ތިން މެމްބަރެއްގެ ނަން އިއްވައި މިއަދުގެ މަޖިލިސް ޖަލްސާ މެދުކަނޑާލައިފި

މަޖިލީހުގެ ގަވާއިދަށް މެމްބަރުން އަމަލު ނުކުރާތީ ރައްޔިތުންގެ މަޖިލީހުގެ މި ދައުރުގެ ފުރަތަމަ ޖަލްސާ މެދުކަނޑާލައިފިއެވެ.

Ads by Hajj Corporation

މިއަދުގެ ޖަލްސާގެ ރިޔާސަތުގައި އިންނެވީ މަޖިލީހުގެ ރައީސް މުހައްމަދު ނަޝީދުއެވެ. ރައީސް ނަޝީދު ވަނީ ތިން މެންބަރެއްގެ ނަން އިއްވާފައެވެ.

ތިން ބޭފުޅުންގެ ނަން އިއްވި ނަމަވެސް، ތަޅުން ދޫކުރައްވައި އެ މެމްބަރުން ވަޑައިގެންފައިނުވެއެވެ. މިއާއެކު ޖަލްސާ މިހާރު ވަނީ މެދުކަނޑާާލާފައެވެ.

ނަން އިއްވި ތިން މެމްބަރުންނަކީ ކެލާ ދާއިރާގެ މެންބަރު އިބްރާހިމް ޝަރީފް، ދާންދޫ ދާއިރާގެ މެންބަރު އަބްދުﷲ ޔައުގޫބް އަދި ތިނަދޫ އުތުރު ދާއިރާގެ މެންބަރު އަބްދުލްމުގުނީއެވެ. އެ މެންބަރުންވަނީ މަޖިލީހުގައި އަޑުގަދަ ކޮށް ރައީސް ނަޝީދު ރިޔާސަތުގައި އިންނެވުމުން އެކަމުގެ ނުރުހުން ފާޅުކޮށްފައެވެ.