އެންމެ މުހިންމު އެއް އަމާޒަކީ އިންސާފުގެ ދުވެލި ބާރުކުރުން: ރައީސް ޞާލިޙް
އެންމެ މުހިންމު އެއް އަމާޒަކީ އިންސާފުގެ ދުވެލި ބާރުކުރުން ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
"އުފާވެރި އަމާން ރާއްޖެ" ރިޔާސީ ކެމްޕެއިނުގައި މިއަދު ރ. މީދޫގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ މަޑުޖެހިފައިވާ ޝަރީއަތްތައް އަވަސް ކުރެވޭނެ ގޮތްތަކެއް ހޯދައިދިނުންމަކީ މި ސަރުކާރުގެ އެއް އަމާޒު ކަމަށެވެ. އަދި އެކަން ކުރުމަށްޓަކައި ކުރަން ޖެހިފައިވާ ކަންްތައްތަކެއް އެބަހުރި ކަމަށް ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ އެކަމަށްޓަކައި ވަސީލަތްތައް އިތުުރު ކުރަން ޖެހޭ ކަމަށާއި އިތުރަށް ޕްރޮފެޝަނަލް ފަނޑިޔާރުން ހޯދަން ޖެހޭ ކަމަށާއި ރާއްޖޭގައި ފުންނާބު އުސް ވަކީލުންނާއި ފަނޑިޔާރުން އެބަތިބި ކަމަށް ރައީސް ޞާލިޙް ވިދާޅުވިއެވެ.
"އަދިވެސް އިތުރަށް މި ދާއިރާއަށް ބޭނުންވާ ފަނޑިޔާރުން އިތުރު ކުރަންް އެބަޖެހޭ. ކުރިޔަށްއޮތް ތަނުގައި އިރާދަކުރެއްވިއްޔާ އަޅުގަނޑުމެންގެ ސިޔާސަތުތަކުގެ ތެރޭގައި މިކަންކަން ހިމެނިގެން ދާނެ" ރައީސް ޞާލިޙް ވިދާޅުވިއެވެ.
މީގެ އިތުރުން މީދޫގެ ރައްޔިތުންނަކީ އަބަދުވެސް ތަރައްގީއާއެކު ތިބޭ ބައެއް ކަމަށާއި އެރަށުގެ ތަރައްގީއަށްޓަކާ ވޭތުވެދިޔަ ފަސް އަހަރު ތެރޭގައި ވެސް ގިނަ ކަންތައްތަކެއް ކުރެވިފައިވާ ކަމަށް ރައީސް ޞާލިޙް ވިދާޅުވިއެވެ.
އިންސާފުގެ ދުވެލި ބާރުކުރެވޭނީ ތިހާވަރަށް. މިނިމޭ 5 އަހަރުގަ އިންސާފުގެ ދުވެލި 5 ގަރުނު ފަހަތަށް ޖައްސާލައިފީމު. ދެން ކުރިޔަށް އޮތް 5 އޮތްއަހަރުގަ ކިހިނެއް އެތަން އަތުލާނީ. ތި އުޅުއްވަނީ އަންނަނީ އަންނަނީގަ ކިހިނެއް ކަމެއް ކުރާނީ ތިވަރުން