ކުރީގެ ސަރުކާރު ގޮތަށް އެކަހެރިވެގެން ނުތިބެވޭނެ، ދުނިޔޭގެ އަވަށްޓެރިންނާއި ގުޅުން ބަދަހިކުރަންޖެހޭނެ: ރައީސް ޞާލިޙް
ކުރީގެ ސަރުކާރުތަކުން ޚާރިޖީ ގުޅުންތަކާ މެދު ނުވިސްނައި އެކަހެރިވެގެން ތިބޮ ގޮތަށް މިހާރު ނުތިބެވޭނެކަމަށާއި އަވަށްޓެރި ޤައުމުތަކާއި ގުޅުން ބަދަހިކުރަން ޖެހޭނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ކުރިއަށް އޮތް ރިޔާސީ އިންތިޚާބުގެ ކެމްޕޭނުގައި ރ. އިނގުރައިދޫއަށް ވަޑައިގެން އެ ރަށުގެ އެމްޑީޕީއަށް ތާއީދުކުރައްވާ މެމްބަރުންނާއިއެކު ބޭއްވި ބައްދަލުވުމެއްގައި ވާހަކަފުޅުދައްކަވަމުން ރައީސް ޞާލިޙް ވިދާޅުވީ ހެޔޮ ވެރިކަމެއް ކުރުމުގައި ޚާރިޖީ ސިޔާސަތަކީ ވަރަށް މުހިންމު އެއް ބައިކަމަށާއި ދުނިޔޭގެ އެހެން ގައުމުތަކާއި އެކަހެރިވެ އޮވެގެންނެއް މިއަދު އެއްވެސް ގައުމަކަށް ކުރިއެރުމެއް ނުލިބޭނެކަމަށެވެ.
"އަޅުގަނޑުމެންގެ މިނިވަންކަމާއި ސަލާމަތާއި ރައްކާތެރިކަމަށް އަދި ތަރައްޤީ ބާރު ސްޕީޑުގައި ކުރިއަށް ގެންދަން ބޭނުންވާކަމުގައިވާނަމަ ދުނިޔޭގެ ޤައުމުތަކާއި އެކުގައި އިތުބާރު ހިފޭ ގުޅުމެއް އެބަ ބާއްވަންޖެހޭ" ރައީސް ޞާލިޙް ވިދާޅުވިއެވެ.
މީގެ އިތުރުން، ކުރީގެ ސަރުކާރުގެ ވިސްނުން ހުރީ މުޅިން ތަފާތުކޮށް ކަމަށާއި، ޤައުމިއްޔަތުގެ ނަމުގައި ރައްޔިތުންގެ ބޮލަށް "ވަދެފައިވާ" ކަމަށް ފާހަގަކުރައްވަމުން ރައީސް ޞާލިޙް ވިދާޅުވީ އެ ސަރުކާރުގެ ވިސްނުންހުރީ މުޅިން އެކަހެރިވެގެން ވަކިވެގަނެގެން މި ޤައުމު ކުރިއަށް ގެންދިޔުމަށްކަމަށެވެ.
"ޤައުމިއްޔަތުގެ ނަމުގައި ރައްޔިތުންނަށް އެކަން ވިސްނައިދީ މުޅިން އެކަހެރިވެ ވަކިވެގަނެގެން މި ގައުމު ކުރިއަށް ގެންދިޔުމުގެ ސިޔާސަތެއް އެބޭފުޅުން ގެންގުޅުއްވި. މިއީ ބައެއް ވެރިން ކަންކުރަމުންދާގޮތް. ވެރިކަމުގެ އާރާއި ބާރު ހިފެހެއްޓުމަށްޓަކައި އެކަން، ގައުމިއްޔަތު އެ ބަސް ބޭނުންކޯށް މީހުންގެ ބޮލަށް ވައްދާ. އެހެން ނަމަވެސް މިއަދު މިވަނީ ޒަމާން ބަދަލުވެފައި" ރައީސް ޞާލިޙް ވިދާޅުވިއެވެ.
އަދި އެގޮތަށް އެކަހެރިވެގެން ނުތިބެވޭނެކަމަށާއި، ދުނިޔޭގެ އަވަށްޓެރިންނާއެކުވެސް، ދުނިޔޭގެ ގައުމުތަކާއި އެކީގައިވެސް އަދި ބައިނަލް އަޤްވާމީ ޖަމާއަތްތަކާ އެކުވެސް ގުޅުން ބަދަހިކުރަންޖެހޭކަމަށް އެމަނިކުފާނު ފާހަގަކުރެއްވިއެވެ.
"މިއަދު އަޅުގަނޑުމެން މިވަނީ ދުނިޔޭގެ އދ ގައި ބައިވެރިވާ ގައުމުތަކުގެ ތެރެއިން 185 ގައުމާއެކު ގުޅުން ބަދަހިކޮށްފައި، ވިސާ ނެގުމެއްނެތި 89 ގައުމަކަށް ދިވެހިންނަށް މިހާރު އެބަ ދަތުރުކުރެވޭ، މި ސަރަހައްދުގައި އޮތް އެންމެ ވަރުގަދަ އެންމެ ވަރުގަދަ ޕާސްޕޯޓަކީ މިވަގުތު ދިވެހި ޕާސްޕޯޓު" ކުރިއަށް އޮތް ތަނުގައިވެސް ޚާރިޖީ ސިޔާސަތު އެގޮތަށް ކުރިއަށް ގެންދަވާނެކަމަށް ރައީސް ޞާލިޙް ވިދާޅުވިއެވެ.
މީގެ އިތުރުން، ހާރިޖީ ސިޔާސަތު ބިނާވެފައިވަނީ މައިގަނޑު 3 ކަމެއްގެ މައްޗަށްކަމަށާއި އެއީ ޑިމޮކްރަސީގެ ހަމަތައް ހިފެހެއްޓުމާއި އިންސާނީ ހައްގުތައް ކަށަވަަރުކުރުމާއި އަދި މޫސުމީ ބަދަލުތަކާ ދެކޮޅާށް މަސައްކަތް ކުރުމަށް ސަރަހައްދި ގައުމުތަކުގެ ރައްކާތެރިކަމާއި ހަމަޖެހުމުގެ މައްޗަށްކަމަށް ރައީސް ޞާލިޙް ވިދާޅުވިއެވެ.
"މިހުރިހާ ކަމެއްގެ މައްޗަށް އަޅުގަނޑުމެންގެ އޮތީ އަލޫގަނޑުމެންގެ މިނިވަންކަން، އިސްލާމީ ވަހުދަތު ކުރިއެރުވުން" ރައީސް ޞާލިޙް ވިދާޅުވިއެވެ.
އދ ގެ އާންމު މަޖިލީހުގެ ރިޔާސަތު ދިވެހިން ފުރަތަމަ ފަހަރަށް ބަލަހައްޓައިފިކަމަށާއި މިއީ ކުރިއަށް އޮތް 100 އަހަރެއްހާ ދުވަހުގެ ތެރޭގައިވެސް ދެން ރާއްޖެއަށް ނުލިބޭނެކަހަލަ ފުރުސަތެއްކަން ފާހަގަކުރައްވަމުން ރައީސް ޞާލިޙް ވިދާޅުވީ ދުނިޔޭގެ ގައުމުތަކުގެ ވެރިންގެ އިތުބާރު ރާއްޖެއަށް ލިބިއްޖެކަމަށާއި ޚާއްސަކޮށް ކުދި ގައުމުތަކުގެގެ ލީޑަރެއްގެ ގޮތުގައި ދުނިޔޭގެ އެކި އެކި ޖަމާއަތްތަކުގައި ބަސްބުނުމުގެ ހައްގު ދިވެހިންނަށް ލިބިއްޖެކަމަށެވެ.
"މިއަދު ކުދި ގައުމުތަކުގެ އެންމެ އިސްލީޑަރެއްގެ ގޮތުގައި މަސައްކަތްކުރާ އެއް ގައުމަކީ ދިވެހި ގައުމު. އަޅުގަނޑުމެންނާއި މަޝްވަރާނުކޮށް މިއިން އެއްވެސް ކަމެއްގައި ގޮތެއް މިހާރަކު ނުނިންމާ. މިއި އަލުގަނޑުމެންގެ ހާރިޖީ ސިޔާސަތުގެ ހަރުދަނާކަން" ރައީސް ޞާލިޙް ވިދާޅުވިއެވެ.
އަދި ހާރިޖީ ސިޔާސަތުގެ އަނެއް މުހިންމު އެއް ބަޔަކީ އިސްލާމީ ގައުމުތަކާއެކު މިހާރު އޮތް ގުޅުން ހަރުދަނާކުރުން ކަމަށް ފާހަގަކުރައްވަމުން ރައީސް ޞާލިޙްވަނީ ކުރީގެ ސަރުކާރުން ގަތަރާއިއެކު ގުޅުން ކަނޑާލެއްވި ކަން ފާހަގަކުރައްވާފައެވެ.
"އެނގިވަޑައިގަންނަވާނެ ކުރީގެ ސަރުކާރުގައި ގަތަރަކީ އަޅުގަނޑުމެންނާއި ވަރަށް ގާތް ރަހްމަތްތެރި ގުޅުމެއް ބާއްވަމުން ގެންދިޔަ ގައުމެއް. ކުއްލިއަކު އެއް ރެޔަކު އެއްވެސް ކަހަލަ މަޝްވަރާ ކުރުމެއް ނެތި އެއްވެސް ބޭފުޅަކަށް އިއުލާނުކުރެއްވީ ގަތަރާއެކު ގުޅުންކަނޑާލި ވާހަކަ. އެތައް އެތައް ގެއްލުމެއް ކުރިމަތިވި" ރައީސް ޞާލިޙް ވިދާޅުވިއެވެ.
ނަމަވެސް ރައީސް ޞާލިޙު ވެރިކަމަށް ވަޑައިގެން ގަތަރަށް ޒިޔާރަތްކޮށް އެވާހަކަ ދެންނެވުމުން ގުޅުން ކަނޑާލީ ގަތަރުން ނޫންކަމަށާއި ދިވެހި ސަރުކާރުންކަމަށް އެބޭފުޅުން ވިދާޅުވިކަމަށް ރައީސް ޞާލިޙް ވިދާޅުވިއެވެ.
"އެހެންވީމަ އަލުން އާކުރަންޖެހޭ ގުޅުމެއް ނެތޭ، މިހާރު އޮތްގޮތަށް ކުރިއަށް ގެންދަން. ތިމަންމަނެ މިތިބީ ދިވެހިންނާއެކު" ރައީސް ޞާލިޙް ވިދާޅުވިއެވެ.
ޚާރިޖީ ގުޅުންތައް ބަދަހިކުރުމުން މިހާރު އޭގެ ފައިދާ އެބަކުރާ ކަމަށާއި ރާއްޖޭގެ ތަރައްޤީގެ މަޝްރޫއުތަކަށް ބާރު ސްޕީޑުގައި ކުރިއަށް ގެންދެވެނީ އެހެންވެކަމަށް ފާހަގަކުރައްވަމުން ރައީސް ޞާލިޙް ވިދާޅުވީ ދިވެހި ސަރުކާރުގެ ސިޔާސަތުތައް ދުނިޔޭގެ ގައުމުތަކުން ބަލައިގެންފިކަމަށެވެ.
ކުރީސަރުކާރު އެކަހެރިވެފަނެތް ކަން އެގޭނެ ބުރިޖާ ސަލްމާން މިސްކިތަށް ބަލާލީމަ . މިސަރުކާރު ދުނިޔެއާގުޅިގެން އުޅެއެވަރުގެ ކަމެއް ކުރެވިފަ ނެތުން އެއީ ދެކެވޭވާހަކަ ތަކަކީ ދޮގެއް ކަން ހާމަވާކަމެއް . މިސަރުކާރުން އިންޑިޔާއާގުޅިގެން ކުރެވޭ އެއްކަމެއްގަ ވެސް ސިފަ ޖެހިފަ ނެތުން އެއީ ސަރުކާރެއްގެ އަމިއްލަ އެދުން ބޮޑު ކަމާރައްޔިތުނަށް ދެވޭދޯކާ . ރައްޔިތުން ނަށް ނަމުގަ ކޮއްދޭ ކަންކަމުގަ ޖީބު ތައް ފުރުން އެއީ ގައުމަށް ވެވޭ ޣައްދާރު .
ކަލޭއަށްތިގުޅުންބަދަހިކުރެވެނީ އިސްލާމުންގެދުޝްމަނުންނާ އެއްޗެއްލިބެނީމޯގެފައިބުޑައްވެއްޓިއާދޭސްކުރީމާއެވެސްކާލެވޭގޮތަކަށްއަތަކަށްނޫންލިބެނީ އިންޑިއާކޮންމެވެސްކައްޕަޅިކުންފުންޏެގެބާރުގެދަށައްދެންއިންޑިއާއެމްބަސޭއަށްއާދޭސްކޮށްގެންކަޓެއްވެސްލިބެނީ ދެންމަލޭގުޅުންބަދަހިކުރަނީމަގުމަތިންހިފަހައްޓާފާކުރާޖޫރީމައިނާ މިސަރުކާރުނޫނީބަޖެޓްގާޖޫރީމައިނާއިންއާމްދަނީލިޔުނުސަރުކާރެއްކޮބާ ލަދުކޮބާ އަދިވެސް
އަމާރާއްޖެއޯކިޔާބަލަ