މިހާރު ފައިސާގައި ހިފައި، ފަހުން މިނިވަންކަމުގެ ވާހަކަ ދައްކަން ކެރިގެން ނުވާނެ: މުއިއްޒު
ރިޔާސީ އިންތިހާބުގައި ވޯޓުލުމުގެ ކުރިން ފައިސާގައި ހިފައި، ފަހުން މިނިވަންކަމުގެ ވާހަކަ ދައްކަން ކެރިގެން ނުވާނެ ކަމަށް ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުއިއްޒު ވިދާޅުވެއްޖެއެވެ.
މުއިއްޒުގެ ރިޔާސީ ކެމްޕެއިން ޖަގަހަ ހުޅުވުމަށް ރޭ ބޭއްވި ޖަލްސާގައި އެމަނިކުފާނު ވިދާޅުވީ ރައްޔިތުން ފައިސާ ބޭނުންވާނެކަން ދެނެވަޑައިގަންނަވާ ކަމަށެވެ. ނަމަވެސް ހޯދާ ފައިސާ އަކީ ހަލާލު ފައިސާއަށް ވާާން ޖެހޭނެ ކަމަށް ވިދާޅުވެ، އިންތިޚާބާއި ދިމާކޮށް ރިޝްވަތުގެ ގޮތުގައި ދޭ ފައިސާގައި ނުހިފަން އެދިވަޑައިގެންނެވިއެވެ.
"އެހެންވީމަ، ގޮތް ނިންމަވާ ހިންގަވާ، ޤައުމުގެ ކަންކަން ހިންގުމުގައި، ޤައުމު އިސްކުރާ ފަރާތަކަށް އިސްކަން ދޭން އެބަޖެހޭ، އިސްލާމްދީނަށް ޙުރުމަތްތެރިކޮށް ހިތާ ފަރާތަކާ ހަވާލު ކުރަން އެބަޖެހޭ." މާލެ ސިޓީގެ މޭޔަރުގެ މަޤާމުގައި ހުންނެވި މުޢިއްޒު ވިދާޅުވިއެވެ.
މުއިއްޒު އިތުރަށް ވިދާޅުވީ އެއްވެސް ސިޔާސީ ފިކުރެއް ތަފާތު ކުރުމެއް ނެތި، ކުޑަ ރަށެއް ބޮޑު ރަށެއް ނުބަލައި އިހްލާސްތެރިކަމާއި ތެދުވެރިކަމާއެކު ވެރިކަން ކުރައްވާނެ ފަރާތަކަށް ދިވެހީން ވެރިކަން ދޭން ޖެހޭ ކަމަށެވެ.
"އަޅުގަނޑު އެގޮތަށް މަސައްކަތް ކޮށްދޭނަން."
މުއިއްޒު ވަނީ އެމަނިކުފާނުގެ ސަޕޯޓަރުންގެ ކިބައިން، މި ވާހަކަތައް ގޭގެއަށް ގޮސް ދައްކަވައިދެއްވުމަށް އެދިވަޑައިގެންފައެވެ.
ފައިސާގެ ދަހިވެތިކަމުގާއިޅޭމީހުންވެސް ބޭނުންވާނެ އަތމަތި ތައްކޮޅެއް ލުއިވެ ގައުމުމިނިވަންކަންމަތީގާ.ބޭރުގެނުފޫޒުންއެއްކިބާވެގެން އުޅެން ލާރިހިފިޔަސް ވޯޓުނުލެވިދާނެނު.ރައްޔިތުންގެލާރީގަތައެމީހު ބޭރުގައުމުތަކުގަޔާ.ނެއްހާމޮޅަކަން އެއުޅެނީ ފައިސާތަށް އިސްރާފުކޮންގެން