މުއިއްޒުއަށް ޤައުމު ތަރައްޤީ ނުކުރެއްވޭނެ، އެކަމަކު އަމިއްލަ އެކައުންޓަސް ފައިސާ ޖަމާކުރެވޭނެ: ރައީސް ޞާލިޙް
ކުރިއަށް އޮތް ރިޔާސީ އިންތިޚާބުގައި ޕީއެންސީގެ ރިޔާސީ ޓިކެޓުގައި ވާދަކުރައްވާ ޑރ. މުޙައްމަދު މުއިއްޒުއަށް ތަރައްގީގެ މަޝްރޫއުތައް ނުހިންގެވޭނެ ކަމަށާއި ކުރެއްވޭނެ ކަމަކީ އަމިއްލަފުޅު އެކައުންޓަށް ފައިސާ ޖަމާކުރެއްވުންކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރިޔާސީ އިންތިޚާބުގެ ކެމްޕޭނަށް ރަށްރަށަށް ކުރައްވާ ދަތުރުފުޅުތަކުގެ ތެރޭގައި ތ. ހިރިލަންދޫއަށް ވަޑައިގެން ރައީސް ޞާލިޙް ވިދާޅުވީ 2018 ވަނަ އަހަރުގެ ރިޔާސީ އިންތިހާބަށް ކުރީގެ ރައީސް ޔާމީން އެ ރަށަށް ވަޑައިގަތުމުން ރައްޔިތުން އެދުނު އެންމެ ބޮޑު ކަމަކީ ބިން ހިއްކުމުގެ މަޝްރޫއު ކަމަށާއި ނަމަވެސް ފުއްޓަރު ފަރާތަށް އަރާ ރާޅު ބޮޑު ކަމުން އެކަން ނުކުރެވޭނެ ކަމަށް ޔާމީން ވިދާޅުވި ކަމަށެވެ.
އަދި އެމަނިކުފާނަށް އެ ލަފާ ދެއްވީ އޭރު ހައުސިން މިނިސްޓަރުގެ މަގާމުގައި ހުންނެވި މުއިއްޒު ކަމަށްވެސް ރައީސް ޞާލިޙް ވިދާޅުވިއެވެ.
އެހެންކަމުން މިއަދު އެމަނިކުފާނު އިންތިޚާބުގައި ވާދަކުރައްވައިގެން ވެރިކަން ލިބިއްޖެ ނަމަ ދެން ވާނެ ގޮތަކާ މެދު ވިސްނަން ޖެހޭ ކަމަށް ރައީސް ޞާލިޙް ވިދާޅުވިއެވެ.
"ހިއްކާނެ ބިމެއް ނޯންނާނެ. ނުހިއްކޭނޭ ވިދާޅުވާނީ. ބަނދަރެއް ނުހެދޭނޭ ވިދާޅުވާނެ. ފެނާއި ނަރުދަމާއެއް ނޭޅޭނޭ ވިދާޅުވާނެ، މި ތަން ހަރުކަމުން ނުކޮނެވޭނެއޭ، ބަނދަރުގައި އޮތީ ގަލޭ އެތަނެއް ފުނެއް ނުކުރެވޭނޭ،" ރައީސް ވިދާޅުވިއެވެ.
މީގެ އިތުރުން، މިދިޔަ ފަސް އަހަރުގެ ތެރޭގައި ރަށްރަށަށް 170 އެމްބިއުލާންސް ފޮނުވާފައިވާ ކަމަށާއި 152 ރަށުގައި އިންޖީނު އަޅަން ޖެހިވަޑައިގަތް ކަމަށް ރައީސް ޞާލިޙް ވިދާޅުވިއެވެ.
އަދި 125 އަށް ވުރެ ގިނަ ރަށުގެ ބަނދަރު ބޮޑު ކުރަން ޖެހިވަޑައިގަތް ކަމަށްވެސް ވިދާޅުވެފައިވެއެވެ.
މީގެ ކުރިން ވެސް ސަރުކާރުތަކެއް އައި ކަމަށާއި ނަމަވެސް މަސައްކަތް ކުރުމުގެ ވިސްނުމެއް އެ ފަރާތްތަކުގެ ނެތް ކަމަށް ފާހަގަކުރައްވަމުން ރައީސް ޞާލިޙް ވިދާޅުވީ އެބޭފުޅުންނަށް ކުރެވޭނެ ހަމައެކަނި ކަމަކީ އަމިއްލަ އެކައުންޓަށް ފައިސާ ޖަމާ ކުރުން ކަމަށެވެ.
"ކުރެއްވި ކަމަކީ އަމިއްލަ އެކައުންޓަށް ޖަމާކޮށް ކުރުން. ދެން ވެސް އެކަން އޮންނާނީ އެހެން. އެހެންވެ ތިބޭފުޅުން ވަރަށް ފުންކޮށް ވިސްނާތި. ތިއިން ކޮންމެ ބޭފުޅެއްގެ ވޯޓަކީ މުހިންމު ވޯޓެއް،" ރައީސް ޞާލިޙް ވިދާޅުވިއެވެ.
ދެވަނަ ދައުރެއް މި ސަރުކާރަށް ލިބިއްޖެނަމަ ހިރިލަންދޫއަށް ކޮށްދެއްވާނެކަމަށް ރައީސް ޞާލިޙް ވިދާޅުވި ކަންތައްތަކުގެ ތެރޭގައި އެ ރަށު ބޮޑެތި ހުރިހާ މަގެއް ޒަމާނީ ފެންވަރަށް ތަރައްގީ ކުރުމާއި، ބަނދަރު ބޮޑުކޮށް ވަސީލަތްތައް ގާއިމް ކުރުމާއި، ކޯލްޑް ސްޓޯރޭޖް ހަދައި މަސް ކިރޭ ގޮތް ހެދުމާއި އެ ރަށުގެ ސިއްހީ މަރުކަޒު އަޕްގްރޭޑް ކޮށް އަދި އިސްލާމީ މަރުކަޒެއް އެޅުން ހިމެނެއެވެ.
ކަލޭ އެންމެ ގިނައިން ކެއީ
ކޮންމެ މީހަކު ކޮންމެ އެއްޗެއް ކިޔަސް ރާއްޖެތެރޭގެ އަސާސީ ބޭނުންތައް ( ފެނާ ކަރަންޓާ ނަރުދަމާގެ ކަންތައް ބައެއް ރަށްރަށުގެ ފެން ނަޖިސްވެގެން ފެންވަރަން ނުކެރެރޭ ވަރުގަ ހުރީ) ފުއްދައި ދިނީ ސޯލިހުގެ ސަރުކާރުން ޔާމީނުވެސްް ބްރިޖާ އުޅެން ހަދައިގެން ގިނަ މަޝްރޫޢުތައް ނުހިންގިފަ އޮތީ. މަށަކު މީ އެމްޑީޕީ އަކަށް ކެނެރީގޭ ނަޝީދަކަށް ސަޕޯޓްކުރި ކުރާނެ މީހެއްވެސް ނޫން.
ހެހެހެހޭ އަލީވަހީދުގާތު އަހާބަ ގިނައިން ފައިސާ ޖަމާވާ އެކައުންޓެއް ސާފުކޮށްލަން.