އެމަޖެންސީގައި ދިޔަ ފަޔާ ލޮރީއެއް ކޮންޓްރޯލް ނުވެގެން ގޮސް، ސައިކަލްތަކަކަށް އަރައި ބޮޑެތި ގެއްލުންތަކެއްވެއްޖެ
މިއަދު ހެނދުނު 06:00 ހާއިރު އެމެޖެންސިގައި ދިޔަ ފަޔާ ލޮރީއެއް ކޮންޓްރޯލް ނުވެގެން ގޮސް، ސައިކަލުތަކަކަށް އަރައި ބޮޑެތި ގެއްލުންތަކެއް ވެއްޖެއެވެ.
މި ހާދިސާ ހިނގާފައިވަނީ މާފަންނު ގަޑިބުރާ ދިމާލުން އޯކިޑުމަގަށް ވަންނަން ދިޔަ ފަޔާ ލޮރީ ކަހާލައިގެން ގޮސް، ކޮންޓްރޯލުން ނެއްޓިގެންނެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
މިއަދު ހިނގި އެކްސިޑެންޓުގައި ފަޔާ ވެހިކަލް ސައިކަލުތަކަކަށް އަރާފައި، ފޮޓޯ: ސަން އޮންލައިން
މަޢުލޫމާތު ލިބިފައިވާގޮތުގައި ފަޔާ ލޮރީ ކަހާލީ، އޯކިޑު މަގަށް ވަންނަ ދިމާލުގައި ނުޤަވާއިދުން ޕާކުކޮށްފައި އޮތް ކާރަކުން ނެއްޓުމަށް ބުރެކި ޖެއްސި ވަގުތުކަމަށާއި، ރެއިން ފެށިގެން ވާރޭ ވެހިފައި ހުރުމުން މަގުމަތީ ފެން ހުރުމުން އިތުރަށް ކަހާލީކަމަށެވެ.
މިއަދު ހިނގި އެކްސިޑެންޓުގައި ފަޔާ ވެހިކަލް ސައިކަލުތަކަކަށް އަރާފައިވަނީ ނުޤަވާއިދުން ޕާކުކޮށްފައިވާ ކާރަކުން ނައްޓަން އުޅުމުގެ ތެރޭގައި، ފޮޓޯ: ސަން އޮންލައިން
މި އެކްސިޑެންޓުގައި ފަޔާ ލޮރީ ކަހާލައިގެން ގޮސް ޖެހިފައިވަނީ މަގުގެ އަނެއް ފަރާތުގައި ޕާކުކޮށްފައި ހުރި ސައިކަލުތަކެއްގައެވެ. އަދި އެ މަގުގައިހުރި ޑީބްލޫ މެރިންގެ ފިހާރައަށް ސައިކަލުތައް އަރައި އެ ފިހާރާއަށް ގެއްލުންތަކެއް ލިބިފައިވެއެވެ.
މި ހާދިސާގައި އެކްސިޑެންޓުވި ފަޔާ ލޮރީ އަކީ ދުން އަރަމުންދިޔަ ތަނަކަށް ދިޔަ ތަނަކަށް ދިޔަ ވެހިކަލްއެކެވެ.
Ads by STO
