މަޖިލީހުގެ އެއްވެސް މެމްބަރަކަށް ރިޝްވަތު ދީފައި ނޯންނާނެ: ރައީސް ޞާލިޙް
އެއްވެސް މަޖިލިސް މެމްބަރަކަށް ރިޝްވަތު ދީފައި ނޯންނާނެ ކަމަށާއި، އެމްޑީޕީއާ އަލުން ގުޅިވަޑައިގެންނެވި މެމްބަރުން އެކަން ކުރައްވާފައިވަނީ އެ ބޭފުޅުން އަމިއްލައަށް ބޭނުންވެގެން ކަމަށް ރައީސް އިބްރާހިމް މުހައްމަދު ޞާލިޙް ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ތ. އަދި ލ. އަތޮޅަށް ކުރެއްވި ދަތުރުފުޅު ނިންމަވާލެއްވުމަށް ފަހު ނޫސްވެރިންނާ ބައްދަލު ކުރައްވާ ދެއްކެވި ވާހަކަފުޅުގައި ރައީސް ޞާލިޙް ވިދާޅުވީ އެއްވެސް މެމްބަރަކަށް އެއްވެސް ކަހަލަ ރިޝްވަރުގެ މުއާމަލާތެއް ކޮށްފައިނުވާނެ ކަމަށެވެ.
"ރިޝްވަތޭ ތި ވިދާޅުވާ ފުޅާ މާނައިގައި ވެސް އެ ކަހަލަ އެއްވެސް ކަމެއް ކޮށްފައެއް ނޯންނާނެ" ރައީސް ޞާލިޙް ވިދާޅުވިއެވެ.
ރައީސް ޞާލިޙް މިފަދައިން ވިދާޅުވެފައިވާއިރު މަޖިލީހުގެ ރައީސް މުހައްމަަދު ނަޝީދު މީގެ ކުރިން ވަނީ ރައީސް ޞާލިޙް އުލަތުގެ ފައިސާ ބޭނުންކުރައްވައިގެން މަޖިލިސް މެންބަރުންނާއި އެހެންވެސް މީހުންނަށް ރިޝްވަތު ދެއްވާ ކަމަށް ތުހުމަތު ކުރައްވާފައެވެ.
އެ މައްސަލަ މަޖިލީހަށް ވެސް މީގެ ކުރިން ވަނީ ހުށަހަޅާފައެވެ. އެ މައްސަލަ ހުށަހެޅީ މަޖިލީހުގެ ބައެއް މެންބަރުން ޕާޓީ ބަދަލުކުރުމުގައި ރިޝްވަތުގެ އަމަލުތައް ހިމެނޭ ކަމަށް ތުހުމަކުރެވޭ ކަމަށް ބުނެއެވެ.
މީނާ އެމްއެމްއާރްސީގެ ކަޅުފައިސާ އަދީބް އަތުން އަތުލިވާހަކަ މަވެސް އަޑު އެހިން