މީހަކު ރަހީނުކުރިކަމުގެ ތުހުމަތުގައި ސްޓެޕް އައްޔަ ހައްޔަރުކޮށްފި

ބަޔަކާ ގުޅިގެން މީހަކު ރަހީނުކޮށް އަނިޔާކުރި ކަމުގެ ތުހުމަތުގައި އަލީ ޝާހިދު (ސްޓެޕް އައްޔަ) ހައްޔަރުކޮށްފިއެވެ.

Ads by STELCO

ސްޓެޕް އައްޔަ ހޯދަން ފުލުހުން މީގެ ދެ ހަފްތާހާ ދުވަސް ކުރިން އިއުލާނުވެސް ކުރި އެވެ. ފުލުހުން އޭރު ބުނީ އޭނާ ހޯދަމުން އަންނަނީ އިކޮނޮމިކް ކްރައިމް ޑިޕާޓްމެންޓުން ބަލަމުން އަންނަ ފޯޖަރީގެ މައްސަލައަކާ ގުޅިގެން ކަމަށެވެ.

މައުލޫމާތު ލިބިފައިވާ ގޮތުގައި ސްޓެޕް އައްޔަ ހައްޔަރުކޮށްފައިވަނީ އިތުރު ބަޔަކާ ބައިވެރިވެގެން މާލޭގެ ގެއެއްގައި ފިރިހެނަކު ހުއްދަ ނޫން ގޮތުގައި ހިފަހައްޓައި އަނިޔާކޮށް، އަދި އޭނާގެ ބޭންކު އެކައުންޓުން ފައިސާ ޓްރާންސްފާ ކުރި މައްސަލައެއްގައެވެ.

މި މައްސަލައާ ގުޅޭ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.