ފައިނުގައި އެއާޕޯޓެއް އަޅައިދޭނަަން: މުޢިއްޒު
ރ.ފައިނުގައި އެއާޕޯޓެއް އަޅައިދެއްވުމަށް އިދިކޮޅު ޕީޕީއެމް-ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު ވަޢުދުވެވަޑައިގެންފިއެވެ.
ކުރީގެ ރައީީސް ޔާމީން ޢަބްދުލްޤައްޔޫމްގެ ވެރިކަމުގައި ފައިނުގައި އެއާޕޯޓެއް ނިންމިއެވެ. ނަމަވެސް އެ ނިންމުން މި ސަރުކާރުން ވަނީ ބަދަލުކޮށްފައެވެ.
ރ.އިނގުރައިދޫއަށް ވަޑައިގެން ޑރ.މުޢިއްޒު ވިދާޅުވީ ފައިނުގައި އެއާޕޯޓު އަޅަން ހިއްކަން ޖެހެނީ ވަރަށް ކުޑަ ބިމެއް ކަމަށެވެ. އެމަނިކުފާނު ވިދާޅުވި ގޮތުގައި، މި މަޝްރޫޢުއަކީ ޚަރަދުކުޑަ، ދެކޮޅުޖެހޭ މަޝްރޫޢުއެކެވެ.
އެ އެއާޕޯޓުގެ ސަބަބުން އެ ދާއިރާގެ ރަށްތަކަށާއި އެ ސަރަހައްދުގައި ހުރި ރިސޯޓުތަކާއި ހުޅުވެން އޮތް 10 ވަރަކަށް ރިސޯޓަށް ވެސް ފައިދާކުރާނެ އިންވެސްޓްމަންޓަކަށްވާނެ ކަމަށް ވެސް މުޢިއްޒު ވިދާޅުވިއެވެ.
ރ.އަތޮޅުގައި މިހާރު އޮންނަނީ އިފުރުގައި ތަރައްގީކޮށްފައިވާ އެއާޕޯޓު އެކަންޏެވެ. މި ސަރުކާރުން އެއާޕޯޓު އަޅަން ނިންމާފައިވަނީ ކިނޮޅަހާ ޖެހިގެން އޮންނަ ބެރިޔަންފަރުގައެވެ.
