މަސްވެރިން ބާނާ ހުރިހާ މަހެއް ކިރޭނެ އިންތިޒާމު ހަމަޖެއްސައިދޭނަން: ރައީސް ޞާލިޙް
ދެވަނަ ދައުރެއް ލިބިވަޑައިގެންފިނަމަ މަސްވެރިން ބާނާ ހުރިހާ މަހެއް ކިރޭނެ އިންތިޒާމު ހަމަޖެއްސުމަށް ރައީސް އިބްރާހީމް މުހައްމަދު ސޯލިހް ވައުދުވެވަޑައިގެންފިއެވެ.
ރިޔާސީ އިންތިހާބުގެ ކެންޕެއިނަށް ޅ. ނައިފަރަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން ރައީސް ޞާލިޙް ވިދާޅުވީ މަސްވެރިން ބާނާ މަސް ކިރަން ހާއްސަ ކޮށްފައިވާ ފެލިވަރު އޮތީ ވަރަށް ދެރަވަރުކޮށް ކަމަށެވެ.
އަދި އެއީ ދެވަނަ އަށް އެންމެ ބޮޑު ސިނާއަތް އޮންނަން ޖެހޭނެ ހާލަތެއް ނޫން ކަމަށާއި މަސް ކިރަން ހުރި ބަނދަރުތަކާއި ފެކްޓަރީ ތަކުގެ ހާލަތު ރަނގަޅުކުރުމަށް ސަރުކާރުން ގިނަ މަސައްކަތްތަކެއް ކުރަމުންދާ ކަމަށް ރައީސް ޞާލިޙް ވިދާޅުވިއެވެ.
ނައިފަރަށް ރައީސް ޞާލިޙް ވި ވައުދުތަކުގެ ތެރޭގައި، ހޮސްޕިޓަލަށް އިތުރު އިމާރާތް އިތުރުކުރުން، ސައިކޭޓްރިސްޓެއްގެ ހިދުމަތް ފެށުން، މަދަރަސަރުލް އިފްތިތާހަށް މަލްޓިޕާޕޯސް ހޯލަކާއި ސައިންސް ލެބެއް ހެދުން ހިމެނެއެވެ.
މީގެ އިތުރުން ބަނދަރަށް ދިމާވެފައިވާ މައްސަލަތައް ހައްލުކޮށް، އުތުރު ބަނދަރު ކުދި އުޅަނދު ފަހަރަށް ކައިރިކުރެވޭނެގޮތަށް ތަރައްގީކުރުން 20 ހެކްޓަރުގެ ބިން ހިއްކުން، 200 ފްލެޓް އަޅައިދިނުމާއި މަގުތައް ތާރުއަޅައި ތަރައްގީކުރުން ވެސް ވައުދުތަކުގެ ތެރޭގައި ހިމެނެއެވެ.
Ads by STO
