ޤާސިމްގެ ބަހުގެ ހަމަލާތަކެއް ރައީީސް ޞާލިޙުގެ ސަރުކާރަށް
ރައީސް އިބްރާހީމް މުޙައްމަދު ޞާލިޙުގެ ސަރުކާރުން ޤާނޫނާއި ޚިލާފު ޢަމަލުތައް ކުރައްވައިފައިވާ ކަމަށް ތުހުމަތު ކުރައްވައި، ރިޔާސީ އިންތިޚާބުގައި ވާދަ ކުރައްވާ ޤާސިމް އިބްރާހީމް، ވަރަށް ބޮޑަށް ފާޑުވިދާޅުވެއްޖެއެވެ.
ސަންގު ޓީވީގެ "ރިޔާސީ ބަހުސް" ގައި، ޖޭޕީގެ ލީޑަރު ޤާސިމް ވިދާޅުވީ މި ސަރުކާރުން އެކި ކުށްތަަކަށް އަރައިގެންފައިވާ މަންޒަރު ފެންނަން އެބައޮތް ކަމަށެވެ.
ޤާސިމް ވަނީ ސަރުކާރުން ސިއްރު އެއްބަސްވުންތައް ހަދައި، ބޭރުގެ އަސްކަރިއްޔާ ވެސް ރާއްޖޭގައި ތިބޭ މައްސަލައިގައި ކަންބޮޑުވުންފާޅުކުރައްވައިފައެވެ.
އޭބާ ވިދާޅުވީ ބޭރުގެ އެއްވެސް އަސްކަރިއްޔާ އަކަށް ރާއްޖޭގައި ތިބެވޭނީ ރައްޔިތުންގެ މަޖިލީހަށް ހުށަހަޅައި މަޖިލީހުގެ އަޣްލަބިއްޔަތުން ފާސްކޮށްގެން ކަމަށެވެ.
"އުތުރުތިލަފަޅުވިޔަސް، ރާއްޖޭގެ ސަރަހައްދުން އެއްވެސް ބައެއްވެސް ދޫކޮށްލެވޭނީވެސް ގާނޫނުއަސާސީގައި ބުނާގޮތުގެ މަތީން، ފާސްކުރެވޭ ގާނޫނެއްގެ މަތީންކަމަށް ބުނެފައިވާހިނދު މިއަދުގެ ސަރުކާރުން އެކަމާއި ހިލާފުވެފައިވާކަން އަޅުގަނޑަށް ވަރަށް ސާފުކޮށް އެނގޭ،" ޤާސިމް ވިދާޅުވިއެވެ.
މީގެ އިތުރުން ރާއްޖެ އާއި މޮރިޝަސްގެ ކަނޑުގެ ސަރަހައްދުގެ އިން ވަކި ކުރި މައްސަލައިގައި، ރައީސް ޞާލިޙު މޮރިޝަސްގެ ސަރުކާރަށް ފޮނުއްވި ސިޓީ ސިއްރު ކުރައްވައިފައިވާތީ، ޤާސިމް އެކަމާ ވެސް ކަންބޮޑުވުންފާޅުކުރެއްވިއެވެ.
ނޫސްވެރިންނާއި ރައްޔިތުންވެސް އެ ސުވާލުތަކުގެ ޖަވާބަށް އެދެމުންދާ އިރުވެސް އެ ސުވާލުތަކުގެ ޖަވާބުތައް ނުލިބޭކަން ފާހަގަކުރައްވައި، އޭނާ އިތުރަށް ވިދާޅުވީ އިތުރު ބައެއްގެ އެހީ ރައްޖެއަށް ހޯދާނަމަވެސް ރައްޔިތުންގެ މަޖިލީހުގެ ތަޅުމަށް ހުށަހަޅާ މެމްބަރުންގެ ރުހުން ހޯދަންވާނެ ކަމަށެވެ.
Ads by STO
