މުޢިއްޒަށް ވޯޓު ދޭން 100 ޢިލްމުވެރިން އެދިވަޑައިގަންނަވައިފި
100 އިލްމުވެރިން ވިދާޅުވެފައިވަނީ 2023 ވަނަ އަހަރުގެ ރިޔާސީ އިންތިޚާބުގައި ވާދަކުރައްވާ ކެންޑިޑޭޓުންގެ ތެރެއިން ދިވެހިރާއްޖޭގެ އިސްލާމީ ޝަޚްސިއްޔަތު ހަރުދަނާކޮށް ދިވެހިރާއްޖޭގެ މިނިވަންކަމާއި ސިޔާދަތު ނަގަހައްޓައި އުމްރާނީ ގޮތުންނާއި އިޖުތިމާއީ ގޮތުން ޤައުމު ބިނާކުރުމަށް ބޭނުންވާ އިލްމާއި ހުނަރާއި ތަޖުރިބާގެ ގޮތުން އެންމެ ޤާބިލް ޚުލްގްހެޔޮ ކެންޑިޑޭޓަކީ މުއިއްޒުކަމުގައި އެ އިލްމުވެރިންނަށް ފެނިވަޑައިގަންނަވާކަމަށެވެ.
އެހެންކަމުން، މުޢިއްޒު އާއި އެމަނިކުފާނުގެ ރަނިންގް މޭޓު ހުސައިން މުހައްމަދު ލަތީފަށް ތާއީދުކުރާކަން އެބޭފުޅުން ފާހަގަކުރެއްވިއެވެ.
ޢިލްމުވެރިން ވަނީ އިންތިޚާބުގައި ޑރ. މުއިއްޒަށް ވޯޓު ދިނުމަށް ދިވެހި ރައްޔިތުންނަށް އިލްތިމާސްކުރައްވައިފައެވެ.
އަދި މި ޙާލަތުގައި އިސްލާމްދީނާއި ގައުމުގެ މަސްލަހަތު އިސްކޮށް ގައުމުގެ ސުލްހަމަސަލަސްކަމާއި އަމަންއަމާންކަން ރައްކާތެރިކޮށް ހިފަހައްޓައި މުސްލިމުންގެ މެދުގައި އޮންނަން ޖެހޭ އެކުވެރިކަމާއި އެއްބައިވަންތަކަން ދެމެހެއްޓުމަށާއި މުސްލިމުންގެ މެދުގައި ބަިއބައިވުމާއި އަދާވާތްތެރިވުމާއި ނަފުރަތު އުފެއްދުމުގެ އެއްވެސް އަމަލަކަށް ޖާގަނުދިނުމަށް ރައްޔިތުންނަށް ނަސޭހަތްތެރިވެ ވަސިއްޔަތް ކުރައްވައިފައެވެ.
Ads by MWSC
Ads by HDC
އަލްޙަމްދުﷲ