ދެވަނަ ބުރެއްގައި ވެސް ރައީސް ޞާލިޙަށް ކެނޑިޑޭޓް ނަންބަރު 3، ޑރ. މުޢިއްޒަށް 4
ސެޕްޓެންބަރު މަހު 30 ވަނަ ދުވަހު އޮންނަ ރިޔާސީ އިންތިޚާބުގެ ދެވަނަ ބުރުގައި ވާދަކުރައްވާ ދެ ކެނޑިޑޭޓުންގެ ނަންބަރަކީ ފުރަތަމަ ބުރުގެ ނަންބަރު ކަމަށް އިލެކްޝަންސް އިން ނިންމައިފިއެވެ.
އެކަން ހާމަކޮށްފައިވަނީ އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް މިރޭ ކުރެއްވި ޓްވީޓެއްގައި ވިދާޅުވީ ރިޔާސީ އިންތިހާބު 2023 ގެ ދެވަނަ ބުރުގައި ވާދަކުރައްވާ ދެ ކެންޑިޑޭޓުންގެ ކެންޑިޑޭޓު ނަންބަރަކީ، ހަމަ ކުރީގެވެސް ނަންބަރު ކަމަށެވެ.
އިންތިޚާބުގެ ދެވަނަ ބުރުގައި ވާދަ ކުރާނީ ޕީއެންސީގެ ޑރ. މުއިއްޒާއި، އެމްޑީޕީގެ ރައީސް ޞާލިހެވެ.
އިންތިހާބުގެ ވަގުތީ ނަތީޖާ ދައްކާ ގޮތުން ރައީސް ޞާލިޙަށް ލިބިވަޑައިގަތީ 84،805 ވޯޓެވެ. އެއީ 39.04 އިންސައްތައެވެ. އަދި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ލިބިވަޑައިގަތީ 100،342 ވޯޓެވެ. އެއީ 46.19 އިންސައްތައެވެ.
މިއަހަރުގެ ރިޔާސީ އިންތިޚާބުގެ ދެވަނަ ބުރުގެ ވޯޓުލުން އޮންނާނީ ސެޕްޓެންބަރު މަހުގެ 30 ގައެވެ.
Ads by STO
