މާފަރު ޕޮލިސް ސްޓޭޝަންގައި ހުރި ގިނަ އަދަދެއްގެ މަސްތުވާތަކެތި ވަގަށް ނަގައިފި

މާފަރު ޕޮލިސް ސްޓޭޝަންގައި ހުރި ގިނަ އަދަދެއްގެ މަސްތުވާތަކެތި ވަގަށް ނަގައިފިއެވެ.

Ads by STELCO

މާފަރަށް ބޯޓަކުން އެތެރެ ކުރަން އުޅުނު ގިނަ އަދަދެއްގެ މަސްތުވާތަކެތި އަތުލައިގެންފައި ވަނީ އޮގަސްޓް މަހުގެ 12 ވަނަ ދުވަހުއެވެ.

“ދެން” އަށް މަޢުލޫމާތު ދެމުން ފުލުހުންގެ މީޑިއާ އޮފިޝަލަކު ވިދާޅުވީ، އެރަށު ޕޮލިސް ސްޓޭޝަންގެ ބެލުމުގެ ދަށުގައި ހުރި ބައެއް ތަކެތި އޮގަސްޓް 13 ވަނަ ދުވަހުގެ ރޭ ވަގަށް ނަގާފައިވާ މައްސަަލައެއް ފުލުހުން ބަލަމުންދާ ކަމަށެވެ.

ވަގަށް ނަގަފައިވާ ތަކެތީގެ ތެރޭގައި މަސްތުވާތަކެއްޗާއި ބަނގުރާ ފުޅިއެއް ހިމެނޭ ކަމަށް ފުލުހުން ވިދާޅުވިއެވެ.

އަދި މި މައްސަލައާއި ގުޅިގެން ދިވެހި ފުލުހުންގެ ހިދުމަތުގެ ޕްރިފެޝަނަލް ސްޓޭންޑަރޑްސް ކޮމާޑުން އިންޓާނަލް ތަހުގީގެއް ހިންގަމުންދާ ކަމަށް ވެސް ފުލުހުން ވިދާޅުވިއެވެ.