މިކަން ހާމަކުރައްވައި، ޕީޕީއެމްގެ ސެކްރެޓަރީ ޖެނެރަލް އަދި މުޢިއްޒުގެ އިންތިޚާބީ އެޖެންޓް މުޙައްމަދު ޠަލާލު މިއަދު ވިދާޅުވި ގޮތުގައި މުޢިއްޒު ގަމަށް ވަޑައިގަތުމަށް ހަމަޖެހިފައި ވަނީ، މިރޭގެ ވަގުތެއްގައެވެ.
މުޢިއްޒު ގަމަށް ވަޑައިގެން އެ ރަށުގެ މާހިންނަ ސަރަހައްދުގައި (އަލަށް އާބާދުވާ ސަރަހައްދުގައި) ބާއްވާ ޖަލްސާގައި ބައިވެރިވެވަޑައިގަންނަވާނެއެވެ.
Ads by STELCO
މި ޖަލްސާގައި ގަމުގެ ގިނަ އަދަދެއްގެ ޒުވާނުންނާއި އެކި އުމުރުފުރާތަކުގެ މީހުން ޕީޕީއެމްއަށް ސޮއިކުރައްވާ ގޮތަށް ހަމަޖެހިފައިވާ ކަމަށް މައުލޫމާތު ލިބެއެވެ.
ރިޔާސީ އިންތިޚާބުގެ ދެވަނަ ބުރުގެ ކެމްޕެއިން މުޢިއްޒު ވަރަށް ފޯރީގައި ކުރިއަށް ގެންދަވާއިރު، ރޭ އެމަނިކުފާނުގެ އިޤުތިޞާދީ ސިޔާސަތު ވަނީ ހާމަ ކުރައްވައިފައެވެ.
ދެވަނަ ބުރު ފެށުނު ފަހުން މުޢިއްޒު ވަނީ މިހައިތަނަށް 56 ރަށަކަށް ވަޑައިގެން، ސަޕޯޓަރުންނާއި ބައްދަލުކުރައްވައި، ގިނަ ވަޢުދުތަކެއް ވެވަޑައިގެންފައެވެ.
