އެމްޑީޕީ ދޫކޮށް، ޕީޕީއެމާއި ގުޅުނު ފަރާތްތަކަށް މުޢިއްޒުގެ ތައުރީފު

ގއ.ވިލިނގިލިން މިއަދު އެމްޑީޕީ ދޫކޮށް، ޕީޕީއެމާއި ގުޅިވަޑައިގަތް ފަރާތްތައް ނިންމެވި ނިންމެވުމަކީ ޤައުމުގެ ޙާލަތާއިމެދު ވިސްނެވުމަށްފަހުގައި ނިންމެވި ނިންމެވުމެއް ކަމަށް ޕީޕީއެމް އާއި ޕީއެންސީގެ ކޯލިޝަންގެ ރިޔާސީ ކެންޑިޑޭޓް، ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިގޮތަށް ވިދާޅުވީ، މިއަދު ވިލިނގިއްޔަށް ވަޑައިގެން، ސަޕޯޓަރުންނާއި ބައްދަލުކުރައްވައި ދެއްކެވި ވާހަކައިގައެވެ."މިއަދު އަޅުގަނޑުމެންގެ ޕާޓީއަށް ގުޅިވައިޑައިގެންނެވި އެމްޑީޕީގެ ބޭފުޅުންނަށް ފަށްފަށުން މަރުޙަބާއާއި ޝުކުރު ދަންނަވަން. މިޤައުމީ މަސައްކަތުގައި ތިޔަބޭފުޅުން ބައިވެރިވެ ވަޑައިގެން ތިޔަދެއްވި ތަރުޙީބަކީ ޤައުމުގެ މިޙާލަތާއި މެދު ވިސްނަވާފައި ނިންމެވި ވަރަށްމުހިއްމު ނިންމެވުމެއްކަން ޔަޤީން ،އެކަމަށްޓަކައި އަދިވެސް އެއްފަހަރު ޝުކުރު ދަންނަވަން." މުޢިއްޒު ވިދާޅުވިއެވެ.
އެމަނިކުފާނު ވިދާޅުވީ ޕީޕީއެމް/ޕީއެންސީ އިން ވިލިނގިލީގައި ކުރަން ވަޢުދުވީ ހުރިހައި ކަމެއް ކޮށްދެއްވާނެ ކަމަށާއި، އެ ރަށުގައި ހިންގަމުންދާ ހުރިހާ މަޝްރޫޢުއެއް ކުރިޔަށް ގެންދަވާނެ ކަމަށެވެ.
"އަޅުގަނޑު ދަންނަވާނީ 30 ވަނަ ދުވަހު ތިޔަހުރިހާ ބޭފުޅުން ނުކުންނަވާ އަޅުގަނޑުމެންނަށް ވޯޓުދެއްވާނެކަން ޔަޤީނޭ."
އެ ފުރިހަމަ ކާމިޔާބީއާއިއެކު އަދި އެއްފަހަރު ވިލިނގިލީގެ ރައްޔިތުންނާއި ބައްދަލުކޮށްލަން އެ ރަށަށް ވަރަށް އަވަހަށް ވަޑައިގަންނަވާނެ ކަމަށް ވެސް މުއިއްޒު ވިދާޅުވިއެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.