100 ދުވަހުގެ ވަޢުދު ނުވަނީ ސަރުކާރުން ކަންކަން ފޮރުވާފަ ހުންނާތީ, ޓްރާންޒިޝަން ދުވަސްތަކުގެ ތެރޭގައި އެކަންކަން ހާމަ ކުރާނަން: ޑރ. މުޢިއްޒު
100 ދުވަހުގެ ވަޢުދު ނުވަނީ ސަރުކާރުން ކަންކަން ފޮރުވާފަ ހުންނާތީ ކަމަށާއި ޓްރާންޒިޝަން ދުވަސްތަކުގެ ތެރޭގައި އެކަންކަން ހާމަ ކުރާނެ ކަަމަށް ޕީއެންސީގެ ރިޔާސީ ކެންޑިޑޭޓް, ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަ ބުރުގެ ކެންޕެއިނަށް އައްޑޫ ސިޓީއަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން މުޢިއްޒު ވިދާޅުވީ ރައްޔިތުން އެދޭ ކަންތައްތައް ފުރިހަމަކޮށްދިނުމަކީ އެންމެ މުހިންމު އެއް އަޒުމް ކަމަށެވެ.
މައިގަނޑު ގޮތެއްގައި އުމްރާނީ ތަރައްގީއަށް ބޭނުންވާ ކަންތައްތަކާއި އިޖްތިމާއީ އަދި އިގްތިސާދީ ގޮތުން ކުރިޔަށް ގެންދަން ބޭނުންވާ މަޝްރޫއުތައް އޭގެ ތެރޭގައި ހިމެނޭ ކަމަށާއި އައްޑޫ ސިޓީއަށް ކުރަން ހަމަޖެހިފައިވާ މައިގަނޑު ކަމަކި އެއާޕޯޓު ތަރައްގީކޮށް ޓޫރިސްތުން ގެނައުމަށްޓަކައި ކަންތައްތައް ހަމަޖައްސިދިނުމާއި މުޅި ސިޓީއަށް ފައިދާވާ ގޮތަށް ޓޫރިޒަމް ކުރިއެރުވުން ކަމަށް މުޢިއްޒު ވިދާޅުވިއެވެ.
ސެޕްޓެމްބަރު 30 ގައި ރިޔާސީ އިންތިހާބުގެ ދެވަނަ ބުރު އޮންނައިރު މުއިއްޒުއާ އިންތިހާބުގައި ވާދަކުރައްވަނީ ރައީސް އިބްރާޙިމް މުހައްމަދު ސޯލިހެވެ. ދެ ކެންޑިޑޭޓުންވެސް އަންނަނީ އިންތިހާބަށް ފޯރިއާއެކު ކެމްޕޭން ހަރަކާތްތައް ކުރިއަށް ގެންދަމުންނެވެ.
މި ފަހަރުގެ އިންތިޚާބަކީ އަނދިރިކަމާއި އަލިކަން ވާދަކުރާ އިންތިޚާބެއް. ކޮންމެ އަކަސް ދިވެހިން މިހާރު މާ ސުމާޓުވާނެ.