މަޖިލީހަށް އިތުރުވި ދާއިރާތަކަށް ޝަކުވާ ހުށަހެޅުމުގެ ފުރުސަތު ހުޅުވާލައިފި
އަންނަ އަހަރު ރައްޔިތުންގެ މަޖިލީހަށް މެންބަރުން ހޮވުމަށް ބާއްވާ އިންތިޚާބުގައި އިތުރުވި ދާއިރާތަކަށް ޝަކުވާ ހުށަހެޅުމުގެ ފުރުސަތު މިއަދުން ފެށިގެން އިލެކްޝަން ކޮމިޝަން (އީސީ)ން ހުޅުވާލައިފިއެވެ.
އީސީ އިން ކުރި އިއުލާނުގައިވާ ގޮތުން މާލެ ސިޓީއަށް ދެ ގޮނޑިވަނީ އިތުރު ކޮށްފައެވެ. މީގެ އިތުރުން ބ. އަތޮޅަށް 1 ގޮނޑި އިތުރުކޮށްފައި ވާއިރު ކ. އަތޮޅަށްވެސް ވަނީ 1 ގޮނޑި އިތުރުކޮށްފައެވެ. އަދި ގއ. އަތޮޅަށް 1 ގޮނޑި އިތުރުކޮށްފައި ވާއިރު އައްޑޫ ސިޓީއަށްވެސް ވަނި 1 ގޮނޑި އިތުރުކޮށްފައެވެ.
އީސީ އިން ކުރި އިއުލާނުގައިވާ ގޮތުން ބައެއް ދާއިރާތަކުގެ ނަމަށްވެސް ބަދަލު އައިސްފައި ވެއެވެ. އެގޮތުން، ހުޅުމާލެ ދާއިރާގެ ނަން، ހުޅުމާލެ ދެކުނުދާއިރާ، ގުރައިދޫ ދާއިރާގެ ނަން މާފުށި ދާއިރާ، ތ. ގުރައިދޫ ދާއިރާގެ ނަން ގުރައިދޫ ދާއިރާ އަދި ފޭދޫ ދާއިރާގެ ނަން ފޭދޫ ދެކުނު ދާއިރާގެ ނަމަށް ވަނީ ބަދަލު ކޮށްފައެވެ.
އީސީން ވިދާޅުވީ ވަގުތީ ރިޕޯޓަށް ޝަކުވާ ހުށަހެޅުމުގެ ފުރުސަތު އޮކްޓޯބަރު 19 2023 ވާ ބުރާސްފަތި ދުވަހުގެ 15:00 ގެ ނިޔަލަށް ހުޅުވާލާފައި ވާކަމަށެވެ.
