ރައްޔިތުންގެ މަޖިލީހުގެ ދާއިމީ ކޮމިޓީތަކުގައި ތިއްބަވާ މެންބަރުންގެ އަދަދުތައް ކަނޑައަޅައިފި
ރައްޔިތުންގެ މަޖިލީހުގައި ދަފްތަރުކޮށްފައިވާ ސިޔާސީ ޕާޓީތަކުގެ މެންބަރުންނާއި ވަކި ޕާޓީއަކަށް ނިސްބަތްވެވަޑައިގެންނުގަންނަވާ މެންބަރުންނަށް އައިސްފައިވާ ބަދަލުތަކާއި ގުޅިގެން މަޖިލީހުގެ ދާއިމީ 16 ކޮމިޓީތަކާއި ސަލާމަތީ ޚިދުމަތްތަކާބެހޭ ކޮމިޓީގައ،ި މަޖިލީހުގައި ހިމެނޭ ސިޔާސީ ޕާޓީތަކާއި ވަކި ޕާޓީއަކަށް ނިސްބަތްވެވަޑައިނުގަންނަވާ މެންބަރުންގެ އަދަދުތައް ކަނޑައަޅައި އެ މެންބަރުން ތަމްސީލުކުރައްވާނެ ގޮތް ފާސްކޮށްފިއެވެ.
މިއީ 19 ވަނަ ރައްޔިތުންގެ މަޖިލީހުގެ ދާއިމީ 16 ކޮމިޓީތަކާއި ސަލާމަތީ ޚިދުމަތްތަކާބެހޭ ކޮމިޓީގައ،ި މަޖިލީހުގައި ހިމެނޭ ސިޔާސީ ޕާޓީތަކާއި ވަކި ޕާޓީއަކަށް ނިސްބަތްވެވަޑައިނުގަންނަވާ މެންބަރުން ތަމްސީލުކުރައްވާ ނިސްބަތަށް ގެނެވޭ 7 ވަނަ އިސްލާޙެވެ.
ރައްޔިތުންގެ މަޖިލީހުގައި ހިމެނޭ ސިޔާސީ ޕާޓީތަކާއި ވަކި ޕާޓީއަކަށް ނިސްބަތްވެވަޑައިނުގަންނަވާ މެންބަރުން، މަޖިލީހުގެ ކޮމިޓީތަކުގައި އުޞޫލެއްގެ ގޮތުން ތަމްސީލުކުރައްވާނެ ނިސްބަތާއި، ދާއިމީ 16 ކޮމިޓީއަށް ސްލޮޓް ހަމަޖެހިފައިވާ ގޮތް:
- މޯލްޑިވްސް ޑިމޮކްރަޓިކް ޕާޓީ (އެމްޑީޕީ) - 56 މެންބަރުން - 64 އިންސައްތަ - 113 ސްލޮޓް
- ދަ ޑިމޮކްރެޓްސް - 13 މެންބަރުން - 15 އިންސައްތަ - 27 ސްލޮޓް
- ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) - 4 މެންބަރުން - 5 އިންސައްތަ - 8 ސްލޮޓް
- ޕީޕަލްސް ނެޝަނަލް ކޮންގްރެސް (ޕީއެންސީ) - 4 މެންބަރުން - 5 އިންސައްތަ - 8 ސްލޮޓް
- މޯލްޑިވްސް ނެޝަނަލް ޕާޓީ (އެމްއެންޕީ) - 3 މެންބަރުން - 3 އިންސައްތަ - 6 ސްލޮޓް
- މޯލްޑިވްސް ޑިވަލޮޕްމަންޓް އެލަޔަންސް (އެމްޑީއޭ) - 2 މެންބަރުން - 2 އިންސައްތަ - 4 ސްލޮޓް
- ޖުމްހޫރީ ޕާޓީ (ޖޭޕީ) - 2 މެންބަރުން - 2 އިންސައްތަ - 4 ސްލޮޓް
- ވަކި ޕާޓީއަށް ނިސްބަތްނުވާ މެންބަރުން - 3 މެންބަރުން - 3 އިންސައްތަ - 6 ސްލޮޓް
ރައްޔިތުންގެ މަޖިލީހުގެ ދާއިމީ 16 ކޮމިޓީއާއި ސަލާމަތީ ޚިދުމަތްތަކާބެހޭ ކޮމިޓީގައި، މަޖިލީހުގައި ހިމެނޭ ސިޔާސީ ޕާޓީތަކާއި ވަކި ޕާޓީއަކަށް ނިސްބަތްވެވަޑައިނުގަންނަވާ މެންބަރުން ތަމްސީލުކުރައްވާނެ ގޮތުގެ ރިޕޯޓު މަޖިލީހުން ފާސްކޮށްފައިވަނީ ހާޒިރުވެތިއްބެވި ހުރިހާ މެންބަރުންގެ އިއްތިފާގުންނެވެ.
