ކުރީގެ ތަރުޖަމާނު، މުއާޒު ވެސް މަޖިލީހަށް

ރައީސް ޔާމީން ޢަބްދުލްޤައްޔޫމްގެ ވެރިކަމުގައި ރައީސް އޮފީހުގެ ތަރުޖަމާނުގެ މަޤާމުގައި ހުންނެވި އިބްރާހިމް މުޢާޒް ޢަލީ (މުއާ) ރައްޔިތުންގެ މަޖިލިސް އިންތިޚާބުގައި ވާދަކުރައްވަން ނިންމަވައިފިއެވެ.

Ads by Sosun Fihaara

މުއާޒުގެ ކެމްޕޭން ސްލޯގަންއެއްގެ ގޮތުގައި ހަމަޖައްސާފައިވަނީ “ޓީމް ތަރުޖަމާނު“އެވެ.

މުއާޒު ޕީޕީއެމްގައި ހުންނެވުމަށްފަހު، ކުރީގެ ނައިބު ރައީސް އަޙުމަދު އަދީބުގެ އެމްޓީޑީގައި ވެސް މަސައްކަތް ކުރެއްވިއެވެ. އޭގެ ފަހުން ދެން އޭނާ ގުޅިވަޑައިގެންނެވީ އެމްޑީޕީއާއެވެ. ރިޔާސީ އިންތިޚާބުގެ ކެމްޕެއިން ދުވަސްވަރު މުއާޒު އެމްޑީޕީއާއި ގުޅިވަޑައިގެން، ރައީސް ޔާމީންގެ ވެރިކަމުގެ ފަސް އަހަރު ކަންކަން ހިނގާފައިވާ ގޮތަށް ފާޑުވިދާޅުވަމުން ގެންދެވިއެވެ.

މިދުވަސްވަރު ގިނަ ބަޔަކު އަންނަނީ މަޖިލިސް އިންތިޚާބުގައި ވާދަ ކުރުމުގެ ޝައުގުވެރިކަން ފާޅު ކުރަމުންނެވެ.