ގޭސް ފުޅި ގޮވައި ދެ މީހަކު މަރުވި ހާދިސާ ސިފައިންނާއި ފުލުހުން ގުޅިގެން ތަހުގީގުކުރަނީ
ހދ. މަކުނުދޫގައި މިއަދު ހަވީރު ގޭސް ސިލިންޑަރެއް ގޮވައި ދެ މީހަކު މަރުވި ހާދިސާ ފުލުހުންނާއި އެމްއެންޑީއެފް ގުޅިގެން ތަހުގީގުކުރަން ފަށައިފިއެވެ.
ފުލުހުން ބުނީ ކުޅުދުއްފުށިން ފޮރެންސިކް ޓީމަކާއި ތަހުގީގު ޓީމެއް އެ ރަށުގައި ހަރަކާތްތެރިވަމުންދާ ކަމަށެވެ. ސިފައިން ބުނީ ފުލުހުންނާ ގުޅިގެން އެ ހާދިސާ ތަހުގީގު ކުރަމުން އަންނަ ކަމަށެވެ.
ހދ. މަކުނުދޫ އެއާޕޯޓު އަޅަން ބޭނުންވާ ބިން ހިއްކުމާއި ގޮނޑުދޮށް ހިމާޔަތް ކުރަން ކުރިއަށްގެންދާ މަޝްރޫއުގައި މަސައްކަތްކުރާ ދެ ބިދޭސީ ފިރިހެނުން، ގޭސް ސިލިންޑަރެއް ގޮވުމުގެ ސަބަބުން އިއްޔެ ވަނީ މަރުވެފައެވެ.
މަރުވީ އިންޑިއާގެ ދެ ރައްޔިތުން ކަމުގައިވާ، މުހައްމަދު ރާޖާ އަންސާރީ, 27, އަދި ސުދީރާ ސެތީ, 25, އެވެ.
އިއްޔެ ހަވީރު އެ މީހުން މަރުވީ މަކުނުދޫ ބަނދަރުމަތީގައި ހުންނަ މަސް މާރުކެޓު ކައިރީގައި އޮތް ގޭސް ސިލިންޑަރެއް ގޮވައިގެން ކަމަށް ފުލުހުން ވަނީ މައުލޫމާތުދީފައެވެ.
