ރައީސް ނަޝީދުގެ ދުސްތޫރީ މައްސަލައަށް ޕީޕީއެމް/ޕީއެންސީން ތަދައްޚުލްވަނީ
ރައްޔިތުންގެ މަޖިލީހުގެ ރައީސް, ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ އެޖެންޑާ ކުރި ނަމަވެސް އެ މައްސަލަ ކުރިއަށް ނުގެންދާތީ، ސުޕްރީމް ކޯޓަށް އެމްޑީޕީން ހުށަހަޅާފައިވާ ދުސްތޫރީ މައްސަލައަށް ޕީޕީއެމް/ޕީއެންސީގެ ޕާލިމެންޓަރީ ގުރޫޕްއިން ތަދައްޚުލުވުމަށް ނިންމާފައިވާކަމަށް އެ ކޯލިޝަނުން ވިދާޅުވެއްޖެއެވެ.
އެމްޑީޕީން ސުޕްރީމް ކޯޓަށް ހުށަހެޅި މައްސަލާގައި އެދިފައިވަނީ ދެ ކަމަކަށެވެ. އެއީ، މަޖިލީހުގެ ރައީސްގެ އިތުބާރު ނެތް ކަމުގެ މައްސަލަ ތާވަލުކުރާ ޖަލްސާއަށް ނައިބު ރައީސަށް ވަޑައިނުގެންނެވޭ ހާލަތުގައި، މަޖިލީހުގެ ގަވައިދުގެ 44 ވަނަ މާއްދާ އަށް އަމަލު ކުރަންޖެހޭ ގޮތަށް މާނަކޮށްދިނުމަށެވެ.
އަދި ދެވަނަ ކަމަކަށް އެދިފައިވަނީ، މަޖިލީހުގެ ރައީސްގެ އިތުބާރު ނެތް ކަމުގެ މައްސަލާގައި ގޮތެއް ނިންމުމަށްފަހު ނޫނީ މަޖިލީހުގެ އެހެން އެއްވެސް މަސައްކަތެއް ކުރިއަށް ނުގެންދެވޭނެ ކަމަށް މާނަކޮށްދިނުމަށެވެ.
މަޖިލީހުގެ ރައީސްގެ އިތުބާރު ނެތް ކަމުގެ މައްސަލައިގެ ރިޔާސަތު ބަލަހައްޓަވާނީ މަޖިލީހުގެ ނައިބު ރައީސްކަމަށް މަޖިލީހުގެ ގަވައިދު ބުނާއިރު، މަޖިލީހުގެ ނައިބު ރައީސް ވަޑައިނުގަންނަވާ ހާލަތެއްގައި ވާނެ ގޮތެއް ޤަވާއިދުގައި ސާފުކޮށް ބުނެފައެއް ނެތެވެ.
ރައީސް ޔާމީނަށް ދިން ލުއި ތައް އުވައެއް ނުލެވޭނެއޭ ސަބަބަކީ ރައީސް ޔާމީން ކާންބޯން ކުރާ މަސައްކަތަކީ ސިޔާސީ މަސަައްކަތް ތައް ކަމަށްވާއިރު އެކަން ކަން ނުހުއްޓުވޭނެއޭ ކަރަކްޝަންސް އަށް ނުހުއްޓުވޭނެއޭ ތަމެން އުޅެނީ އިދިކޮޅު ސިޔާސީ ލީޑަރުން ޖަލަށް ގަޅާލައިގެން ވެރިކަން ހޯދަން ނުލިބުނުދޯ ދެން ތަމެން ތިޔާއުޅެނީ ބާކީ އޮތް 16 ދުވަހު ވެސް އިދިކޮޅު ސިޔާސީ ލީޑަރު ދައްކާ ވާހަކަ އަށް ސިޔާސީ ގޮތުން ރައްދު ދިނުމުގެ ބަދަލުގައި ބަތްކައްކާށޭ ތަމެން މަހަށްދޭބަލަ