ހަފީޒަށް އަނިޔާވި އެކްސިޑެންޓުގައި ސައިކަލު ދުއްވި މީހާއަށް ދެ އަހަރުގެ ޖަލު ޙުކުމެއް
އެމްއެންޔޫގެ ލެކްޗަރާ، ޢަލީ ހަފީޒަށް އަނިޔާވި އެކްސިޑެންޓުގައި ސައިކަލު ދުއްވި މީހާގެ މައްޗަށް ދެ އަހަރު ދުވަހުގެ ޖަލު ޙުކުމެއް އިއްވަވައިފިއެވެ.
މި މައްސަލައިގައި ދައުލަތުން ދައުވާކޮށްފައިވަނީ ރ. އިނގުރައިދޫ ޝަމްޢާން ޢަބްދުއްޝަކޫރުގެ މައްޗަށެވެ
މި ހާދިސާ ހިނގައިދިޔައީ، މިދިޔަ ޖޫން މަހުގެ 28 ވަނަ ދުވަހުއެވެ. އެ ދުވަހުގެ ހަވީރު ފަހެއްޖަހާ ހާއިރު އެއްގަމު އުޅަނދު ދުއްވުމުގެ ލައިސަންސް ނެތި ،ބާރު ސްޕީޑްގައި ސައިކަލު ދުއްވާފައި ދަނިކޮށް މަގު ހުރަސްކުރި އުމުރުން 50 އަހަރުގެ ހަފީޒުގެ ގައިގައި ޖެހި ބޮޑެތި އަނިޔާތަކެއް އޭނާއަށް ލިބުމުން، ޝަމްޢާންގެ މައްޗަށް ވަނީ އަނިޔާއެއް ދިނުމުގެ ދައުވާކޮށްފައެވެ.
ދައުވާއަށް ޖަވާބުދާރީވަމުން ޝަމްއާން ވަނީ އެ ދައުވާއަށް އިއުތިރާފުވެފައެެވެ.
އޭނާ އިއުތިރާފުވެފައިވަނީ މަޖުބޫރު ކަމެއް ނެތި އަމިއްލައަށް ކަމަށް ވަނީ ބުނެފައެވެ. އިއުތިރާފުވެފައިވާތީ އަވަސް ނިޔާ އަޑުއެހުމެއް ވަނީ ބާއްވައިފައެވެ.
އެ މައްސަލާގައި މިއަދު ކްރިމިނަލް ކޯޓުން ކުރި ޙުކުމުގައި ޝަމްޢާންގެ މައްޗަށް ދެ އަހަރަށް ޖަލަށްލުމަށް ޙުކުމް އިއްވައިފައިވާއިރު، އޭނާ ބަންދުގައި ހޭދަކުރި މުއްދަތު ކެނޑުމަށްފަހު، ދެން އޭނާ ޖަލުގައި ހޭދަ ކުރަން ޖެހޭނީ އެއް އަހަރާއި 10 މަހާއި 29 ދުވަހުގެ މުއްދަތެކެވެ.
ޢަޅުގަޑު މިއިންދީ ފައިބިދި ފައި އޮޕްރަެށަންކޮފަ ވަޒީފާގެއްލިފަ ސަިކަލުގަ ދަނިކޮށް ފަހަތުން ޖައްސާ ނުވެއްތުނީމަ ފައިންޖަހާ ސައިކަލާއެކުވައްޓާލީ އެއްވެސް އިންސާފެއް ނުލިބޭ.