ފްލެޓް ތަކުގެ މައްސަލައިގައި ގިނަ ބަޔަކު އޭސީސީއަށް ސިޓީ ލައިފި

ބޯހިޔާވަހިކަމުގެ ސިޔާސަތުގެ ދަށުން މާލެ ސަރަޙައްދުން ފުލެޓް ދޫކުރުމަށްޓަކައި ހިންގާ ގެދޮރުވެރިޔާ ސްކީމުގެ ދަށުން މާލެ ސަރަޙައްދުން ފުލެޓަށް އެދި ހުށަހަޅާފައިވާ ފަރާތްތަކުގެ ދާއިމީ ލިސްޓު ގެ ގޮތުގައި މިދިޔަ ހޮނިހިރު ދުވަހު ނެރުނު ލިސްޓާއި ގުޅިގެން އެންޓި ކޮރަޕްޝަން ކޮމިޝަނަށް 100 ސިޓީ ހުށައަޅައިފިއެވެ.

Ads by Sosun Fihaara

ގެދޮރުވެރިޔާ ސްކީމުގެ ދަށުން ފުރަތަމަ ފްލެޓު ލިބޭ މީހުންގެ ލިސްޓް އާންމުކުރުމާ އެކު ފެންމަތިވި ޝަކުވާތަކާއި ކަންބޮޑުވުންތަކާ ގުޅިގެން އެ ފްލެޓްތައް ހަވާލުކުރުން މަޑުޖައްސާލަން އެންޓި ކޮރަޕްޝަން ކޮމިޝަން (އޭސީސީ) އިން ވަނީ އަންގާފައެވެ.

މި މައްސަލައިގައި އޭސީސީން ބުނެފައިވަނީ އެކަން ހުއްޓުވީ ފުލެޓް ލިބޭ މީހުންގެ ލިސްޓް އާންމުކޮށްފައި ވަނީ ޕޮއިންޓު ދިނުމުގެ އުސޫލާ ހިލާފަށް، ޝަކުވާ ހުށަހެޅުމުގެ ފުރުސަތު ނުލިބޭހެން ވަކި ބަޔަކަށް ނާޒާއިޒު މަންފާ ހޯދައި ދިނުމުގެ ގޮތުން ކަމަށް ބުނެ ހުށަހަޅާފައިވާ މައްސަލަތަކެއް ބަލަމުންދާތީ ކަމަށެވެ.

މިއާއެކު ގެދޮރުވެރިޔާ ލިސްޓާއި ގުޅިގެން ހުރި ޝަކުވާ ތަކާއި ކަންބޮޑުވުންތައް ހިމެނޭ މި ސިޓީތައް އޭސީސީއަށް އާއްމުންގެ ފަރާތުން މިއަދުގެ ވަގުތެއްގައި ވަނީ ހުށަހަޅާފައެވެ.

ހައުސިން މިނިސްޓްރީން ހޮނިހިރު ދުވަހު ކުރި އިއުލާނުގައި ބުނެފައިވަނީ ތިން ކޮޓަރީގެ ފްލެޓުގެ ދާއިމީ ލިސްޓުގައި ހިމެނީ 76 އިން ފެށިގެން މަތިން މާކްސް ލިބިފައިވާ މީހުން ކަމަށެވެ. އަދި ދެ ކޮޓަރީގެ ފްލެޓްގެ ލިސްޓުގައި ހިމެނެނީ 73 އިން ފެށިގެން މަތިން މާކްސް ލިބުނު މީހުން ކަމަށް އެ އިއުލާނުގައި ވެއެވެ.