ރައީީސް މުޢިއްޒުގެ ސަރުކާރު ދެމެހެއްޓުމުގެ މުހިންމުކަން މިނިސްޓަރު އަމީން ފާހަގަކުރައްވައިފި
ރައްޔިތުންނަށްވީ ވަޢުދު ފުއްދުމަށްޓަކައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ސަރުކާރު ދެމެހެއްޓުމުގެ މުހިންމުކަން ޓްރާންސްޕޯޓް މިނިސްޓަރު މުޙައްމަދު އަމީން ފާހަގަކުރައްވައިފިއެވެ.
މިނިސްޓަރު އަމީން މިހެން ވިދާޅުވެފައިމިވަނީ، ޕީޕީއެމް/ޕީއެންސީގެ ލީޑަރޝިޕުން ރައީސް ޢަބްދުﷲ ޔާމީން ޢަބްދުލްޤައްޔޫމް އަށް އެއްބާރުލުން ނުދެއްވާކަމަށް ތުޙުމަތުކުރައްވައި، ޕީޕީއެމްއިން އެމަނިކުފާނު ވަކިވެވަޑައިގެންނެވުމާއެކު ޕީޕީއެމް/ޕީއެންސީގެ ލީޑަރޝިޕާމެދު ރައީސް ޔާމީން އަށް ތާއީދުކުރައްވާ ބޭފުޅުން އެކި ވަރުގެ ތުޙުމަތުކުރައްވާ ދަނޑިވަޅެއްގައެވެ.
މިނިސްޓަރު ވިދާޅުވީ، ރައްޔިތުން ވަނީ، ކުރިއަށް އޮތް ފަސް އަހަރަށް ރައީސް މުޢިއްޒު އަށް ވަރަށް ބޮޑު ޒިންމާއެއް ޙަވާލު ކުރައްވައިފައި ކަމަށެވެ. އެހެންކަމުން ރައްޔިތުންގެ ނިންމުން ނަގަހައްޓައި، ރައްޔިތުންނަށް ވެފައިވާ ވަޢުދުތައް ފުއްދުމަކީ ސަރުކާރުގެ ޒިންމާއެއް ކަމަށް އަމީން ވިދާޅުވިއެވެ.
ރައީސް ޔާމީން އައު ސިޔާސީ ޕާޓީއެއް އުފެއްދުމުގެ މަސައްކަތް ފެށުމުން، ސަރުކާރުގެ އިސް މަޤާމުތަކުގައި ތިއްބެވި ބޭފުޅުން އަންނަނީ ރައީސް މުޢިއްޒުގެ ސަރުކާރާއި އެކުގައި ހުންނެވިކަން ހާމަ ކުރައްވަމުންނެވެ.
ރައީސް ޔާމީނާއި ރައީސް މުޢިއްޒުގެ ގުޅުން ގޯސްވެ، ދެ ބޭފުޅުން އެއްވެސް ވަރަކަށް މަޝްވަރާ ވެސް ނުކުރައްވާ ކަމަށް ރައީީސް ޔާމީންގެ އިސް ވަކީލު، ޑރ.މުޙައްމަދު ޖަމީލު އަޙުމަދު ވަނީ ވިދާޅުވެފައެވެ.
މާލޭ މަގުގައި ހުރި އަޑި ގުޑަން ވަޅުގަޑުތަށް ވީހާވެސް އަވަހަކަށް ރަގަޅުކޮށް ހުޅުމާލޭ ބޮޑު މަގު ނިރޮޅުމަގުގައި ހުރި ދިހަފޫޓުން ދިހަފޫޓުން ހަދާފައި ހުރި ޒެބުރާ ކުރަސް ނަގާލަންޖެހޭ މަގުހުރަސް ކުރަން ބުރިޖުއަޅާ މަތިން މަގުހުރަސް ކުރަންޖެހޭގޮތަށް ހަދަންޖެހޭ !