Sunday, 22 November 2026
Advertisement
Ooredoo — Article-Top (leaderboard)
ސަރުކާރު

ހިޔާފްލެޓުގެ ފިނިޝިންއަށް ދިޔަ ޚަރަދު ރައީސް މުޢިއްޒު ދެއްވާނެ: ފަޒުލް

ހިޔާފްލެޓުގެ ފިނިޝިންއަށް ދިޔަ ޚަރަދު ރައީސް މުޢިއްޒު ދެއްވާނެ: ފަޒުލް

ރައީސް ޔާމީންގެ ވެރިކަމުގައި ހުޅުމާލޭގެ ދެވަނަ ފިޔަވަހީގައި ކުރިއަށް ގެންދިޔަ "ހިޔާ މަޝްރޫޢު"ގެ ދަށުން އަޅައިފައިވާ ފްލެޓްތަކުގެ ފިނިޝިންއަށް ދިޔަ ޚަރަދު އައު ސަރުކާރުން ވަޢުދާއި އެއްގޮތަށް ދެއްވާނެކަމަށް އާބަންކޯގެ މެނޭޖިން ޑައިރެކްޓަރު އިބްރާހީމް ފަޒުލް ރަޝީދު ދެއްވައިފިއެވެ.

ފަޒުލް އާބަންކޯގެ އެމްޑީގެ މަޤާމަށް އައްޔަނު ކުރެއްވީ މިއަދުއެވެ.

އެކްސްގައި މިރޭ ކުރެއްވި ޕޯސްޓެއްގައި ފަޒުލް ވިދާޅުވީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރިޔާސީ އިންތިޚާބުގެ ކެމްޕެއިނުގައި ވަޢުދުވެވަޑައިގެންނެވި ފަދައިން، ހިޔާ ފްލެޓު ހަދަން، ޚަރަދުވި ފައިސާ، ހިޔާ ފްލެޓްގެ ވެރީންނަށް ލިބޭނެކަމުގެ ފުރިހަމަ ޔަޤީންކަން އަރުވާ ކަމަށެވެ.

Advertisement
HDC — Sidebar (box)

ފަޒުލް މިގޮތަށް ވިދާޅުވީ ރައީސް މުޢިއްޒުގެ މި ވަޢުދުފުޅު ނުފުއްދަވާނެ ކަމަށް "ކުރުސީ.ކޮމް" ނަމަކަށް ކިޔާ އޮންލައިން ނޫހަކުން ޚަބަރު ފެތުރުމުން، އެ ޚަބަރަށް ރައްދު ދެއްވަމުންނެވެ.
ރިޔާސީ ކެމްޕެއިނުގައި ރައީސް މުޢިއްޒު، ހުޅުމާލެ ފޭސް1ގައި ވިދާޅުވީ އެމްޑީޕީގެ ސަރުކާރުން ހިޔާ ފެލެޓް ތަޅާލަން އުޅުނު ކަމަށާއި ނަމަވެސް އެކަން ނުކުރެވުނު ކަމަށެވެ.

ހިޔާ ފްލެޓްތަކުގެ ފިނިޝިންއަށް ރައްޔިތުން އަތުން ދިޔަ ޚަރަދުގެ އެވްރެޖް އަދަދު އަނބުރާ ދެއްވާނެ ކަމަށާއި، އެވްރެޖް ގޮތެއްގައި ހިޔާ ފްލެޓްގެ ފިނިޝިން އަށް ދިޔަ ޚަރަދަށް ބަލާފައި އާބަންކޯއިން އެ ކޯސްޓް އޮރިޖިނަލީ ޕްލޭން ކުރި ގޮތަށް، އެ ޚަރަދު ބެއާކޮށް، ޚަރަދު އެވްރެޖްކޮށް، އަނބުރާ ދައްކާގޮތަށް އާބަންކޯއިން ލޯނެއް ނަގައި، ރައްޔިތުން އަތުން ދިޔަ ޚަރަދު އެވްރެޖްކޮށް ކަނޑައަޅުއްވާނެ ކަމަށް ރައީީސް މުޢިއްޒު އޭރު ވިދާޅުވިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.