ﷲއަށް ހަމްދުހުރި، މިއަދު އިތުރު 122 މީހަކު ބަލިން ރަނގަޅު ވެއްޖެ

ރާއްޖެ އިން ކޮވިޑް-19 ޖެހުނު މީހުންގެ ތެރެއިން އިތުރު 122 މީހަކު މިއަދު ބަލިން ރަނގަޅު ވެއްޖެއެވެ.

Ads by STELCO

މިއަދު ބަލިން ރަނގަޅުވި މީހުންނާއި އެކު ރާއްޖޭގައި ބަލިން ރަނގަޅުވި މީހުންގެ ޖުމްލަ އަދަދު މިހާރު ވަނީ 4561 އަށް އަރާފައެވެ.

މިއަދު ރާއްޖެ އިން އިތުރު 178 މީހަކު ވަނީ ކޮވިޑް-19 އަށް ފައްސިވެފައެވެ. އޭގެ ތެރޭގައި ހިމެނެނީ 141 ދިވެހީންނާއި ބަންގްލަދޭޝްގެ 25 މީހަކާއި، އިންޑިއާގެ 10 މީހަކާއި ސްޕެއިންގެ ދެ މީހެއް ކަމަށެވެ.

މިއާއެކު ރާއްޖެއިން ފައްސިވި މީހުންގެ ޖުމްލަ ވަނީ 7225 އަށް އަރައިފައެވެ. މިވަގުތު އެކްޓިވް ކޭސްތަކުގެ ގޮތުގައި ތިބީ 2،636 މީހެކެވެ.

ކޮވިޑް-19 ގައި ރާއްޖެއިން މިހާތަނަށް 28 މީހަކު ވަނީ ނިޔާވެފައެވެ.