ކޮރަޕްޝަނާއި ދެކޮޅަށް ކުރެވޭ މަސައްކަތްތަކާއި ގުޅޭ ތަމްރީނުތައް ދިނުމަށް އެކެޑެމީއެއް އުފައްދަނީ
ކޮރަޕްޝަނާއި ދެކޮޅަށް ކުރެވޭ މަސައްކަތްތަކާއި ގުޅޭ ތަމްރީނުތައް ދިނުމަށް އެކަޑަމީއެއް އުފެއްދުމުގެ މަސައްކަތް ކުރަމުން އަންނަ ކަމަށް މޯލްޑިވްސް އެންޓި ކޮރަޕްޝަން ކޮމިޝަން (އޭސީސީ) އިން ބުނެފިއެވެ.
އޭސީސީން ބުނީ މި އެކަޑަމީ އުފެއްދުމަށްޓަކައި މިހާރު ކޯސްތައް ފަރުމާ ކުރުމާއި، އެކްރެޑިޓޭޝަނަށް ފޮނުވުމުގެ މަސައްކަތް ކުރަމުން އަންނަ ކަމަށެވެ.
މީގެ އިތުރުން މި އެކަޑަމީ ފަށާއިރު، ކިޔަވާ ދިނުމަށް ހަމަޖެހިފައިވަނީ ސެޓްފިކެޓް ލެވެލް 4ގެ ކޯސްތަކާއި، ޑިޕްލޮމާ ލެވެލްގެ ކޯސްތައް ކަމަށް އޭސީސީން ބުނެފައި ވެއެވެ.
ހަމަ އެހެންމެ މި އެކެޑަމީ ތަޢާރަފް ކުރުމަށް ހަމަޖެހިފައި ވަނީ އަންނަ ބުރާސްފަތި ދުވަހު، ބައިނަލްއަޤުވާމީ އެންޓި ކޮރަޕްޝަން ދުވަސް ފާހަގަކުރުމަށް ބާއްވާ ޖަލްސާގައި ކަމަށް އޭސީސީން ބުނެފައި ވެއެވެ.
މި އެކެޑެމީ އުފެއްދުމުގެ މަޤްޞަދަކީ ކޮރަޕްޝަނާއި ދެކޮޅަށް ކުރެވޭ މަސައްކަތުގައި ގުޅިލާމެހޭނެހެން ތަޢުލީމާއި ތަމްރީނު ދިނުމާއި، އެ ދާއިރާއާއި ގުޅޭ ދިރާސާތައް އެކުލަވާލުމާއި، މުޖުތަމަޢުގެ ތެރޭގައި ހޭލުންތެރިކަން އިތުރުކުރުން ކަމަށް އޭސީސީން ހާމަކުރެއެވެ.
ޕޮރެފަޝަނަލް ވަގުންނާއި ކޮރަޕްޓު މީހުން އުފައްދާ ފެކްޓަރީއެއް ހަދަންވީ ނުންތަ !