ހުޅުމާލޭ ފޭސް ދޭއްގައި ހިނގި އެކްސިޑެންޓަކަށްފަހު މަޑުނުކޮށް ދިޔަ ކާރެއް ހޯދަނީ
ހުޅުމާލޭ ފޭސް ދޭއްގައި ހިނގި އެކްސިޑެންޓަކަށްފަހު މަޑުނުކޮށް ދިޔަ ކާރެއް ހޯދުމުގެ މަސައްކަތް ފުލުހުން ފަށައިފިއެވެ.
މިކަން ހާމަކޮށް ފުލުހުން ބުނީ މި އެކްސިޑެންޓު ހިނގާފައި ވަނީ ކާމިލް ދީދީ ސްކޫލު ކައިރީގައި ދެ ކާރު ޖެހިގެން ކަމަށެވެ.
އެގޮތުން މި އެކްސިޑެންޓް ހިނގުމާއެކު އެތަނުން އެއް ކާރު މަޑުނުކޮށް ގޮސްފައިވާ ކަމަށް ރޭ 11:40 ހާއިރު ރިޕޯޓްކޮށްފައިވާ ކަމަށް ފުލުހުން ބުނެފައި ވެއެވެ.
އެހެން ކަމުން ފުލުހުން ވަނީ އެކްސިޑެންޓްވުުމުން މަޑުނުކޮށް ގޮސްފައިވާ ކާރު ހޯދުމުގެ މަސައްކަތް ކުރަމުންދާކަން ހާމަކޮށްފައެވެ.
ފުލުހުން ބުނީ މި އެކްސިޑެންޓް ހިނގި އިރު އެއް ކާރުގައި ހަތަރު މީހަކު ތިބި ކަމަށެވެ.
މީގެ އިތުރުން މި އެކްސިޑެންޓުގައި އެ ހަތަރު މީހުނަށް އަނިޔާވެގެން ހުޅުމާލޭ ހޮސްޕިޓަލުގައި ފަރުވާ ދިނުމަށްފަހު ދޫކޮށްލާފައިވާ ކަމަށް ފުލުހުން ހާމަކުރެއެވެ.
މި އެކްސިޑެންޓް ހިނގި އިރު އެ ކާރު ދުއްވަން އިން މީހާ އަތުގައި ލައިސަންސް އޮތް ކަމަށާއި ނަމަވެސް މި ހާދިސާގައި ކާރަށް އެކިވަރުގެ ގެއްލުން ލިބިފައިވާ ކަމަށް ފުލުހުން ހާމަކޮށްފައި ވެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
