ފްރަންޓްލައިން މުވައްޒަފުންނަށް އެކޮމަޑޭޝަން ހަމަޖައްސައިދޭނެ ބަޔަކު ހޯދަނީ

ހެލްތު މިނިސްޓްރީން ކުރި އިއުލާނެއްގައި ބުނީ މިކަމަށް ޝައުޤުވެރިވާ ފަރާތްތަކުން އަންނަ އާދީއްތަ ދުވަހުން ފެށިގެން އަންނަ މަހުގެ 7 ވަނަ ދުވަހުގެ މެންދުރުފަހު 14:00 ގެ ކުރިން [email protected] އަށް ގެޒެޓްކުރެވިފައިވާ ރެޖިސްޓްރޭޝަން ޝީޓް ފުރުމަށްފަހު އީމެއިލް ކުރުމަށް އެދޭ ކަމަށެވެ.

އަދި އަންދާސީ ހިސާބު ހުށަހެޅުން އޮންނާނީ 16 ސެޕްޓެމްބަރ ވާ ބުދަ ދުވަހުގެ މެންދުރު 13:00 ގައި ހެލްތު އެމަރޖެންސީ އޮޕަރޭޝަން ސެންޓަރ (ދަރުބާރުގެ، އަމީނީމަގު) ގައި ކަމަށް އެ އިއުލާނުގައި ބުނެފައިވެއެވެ.

މި އިއުލާނާއި ގުޅޭގޮތުން އެއްވެސް މައުލޫމާތެއް ސާފުކުރަން ބޭނުންކަމުގައިވާނަމަ 13 ސެޕްޓެމްބަރ ވާ އާދިއްތަ ދުވަހުގެ މެންދުރު 12:00 ކުރިން [email protected] އަށް މެއިލް ކުރުމަށް ވަނީ އެދިފައެވެ. އަދި ރެޖިސްޓަރ ކޮށްފައިނުވާ ފަރާތްތަކަށް އަންދާސީ ހިސާބު ހުށަނޭޅެނެ ކަމަށް ވެސް ހެލްތު މިނިސްޓްރީން ބުނެއެވެ.