މާރިޔާ ވިދާޅުވަނީ އާޒިމަކީ ޓާސްކު މާސްޓަރެއް ކަމަށް
އަންނަ ހޮނިހިރު ދުވަހު އޮންނަ މާލެ ސިޓީގެ ބައި-އިލެކްޝަންގައި އިދިކޮޅު އެމްޑީޕީގެ ފަރާތުން ވާދަކުރައްވާ އާދަމް އާޒިމަކީ ''ޓާސްކު މާސްޓަރެއް'' ކަމަށް ވިދާޅުވެ ކުރީގެ ޑިފެންސް މިނިސްޓަރު މާރިޔާ އަހުމަދު ދީދީ ވަރަށް ބޮޑަށް ތައުރީފް ކުރައްވައިފިއެވެ.
ގަލޮޅު ދެކުނު ރައްޔިތުންނާ ވާހަކަ ދައްކަވަމުން މާރިޔާ ވިދާޅުވީ ނިމިދިޔަ ސަރުކާރުގައި އެމްޓީސީސީގެ ސީއީއޯގެ މަގާމު އަދާކުރެއްވި އާޒިމަކީ އެ މަގާމު ވަރަށް ރަނގަޅަށް އަދާކުރައްވާފައިވާ ބޭފުޅެއް ކަމަށެވެ. އެއަށް ފަހު މާރިޔާ ވިދާޅުވީ އާޒިމު، މާލޭގެ މޭޔަރުގެ ރޭހަށް ނިކުމެވަޑައިގަންނަވަނީ މާލޭގެ ރައްޔިތުން ބޭނުންވާ ކަންތައްތައް ފުއްދައި ދިނުމަށް ކަމަށެވެ. އެކަމާއި މެދު ޝައްކުނުކުރައްވާނެ ކަމަށް ވިދާޅުވިއެވެ.
''މިއަދު އަޅުގަނޑުމެން ކެންޑިޑޭޓް އެ ބުނަނީ ފެހި ތަނަވަސް ކަމެއް ހޯދައިދޭނަމޭ. މި ފަހަރު މާލެއަށް މި ނެރޭ ކެންޑިޑޭޓަކީ ހަގީގަތުގައި ޓާސްކު މާސްޓަރެއް، އަޅުގަނޑަށް ފެނުނު އެބޭފުޅާ ވަރަށް ގާތުން މަސައްކަތްކުރައްވާތަން'' މާރިޔާ ވިދާޅުވިއެވެ.
މާރިޔާ ވިދާޅުވި ގޮތުގައި ރައީސް އިބްރާހިމް މުހައްމަދު ސޯލިހުގެ ސަރުކާރުން މާލޭ ރައްޔިތުންނާއި މާލޭގައި ދިރިއުޅޭ ރައްޔިތުންނަށް ދޭން ނިންމި ގޯތިތަކުގެ ރަޖިސްޓްރީ ހަވާލުކުރެވޭނީ އެމްޑީޕީގެ ސަރުކާރެއް އިންތިހާބުކޮށްގެން ކަމަށާއި ނަމަވެސް އެކަންވީ އެހެން ނޫން ކަމަށެވެ. ރައްޔިތުން ނިންމުމަށް އިހުތިރާމް ކުރާ ކަމަށާއި ނަމަވެސް އެ ގޯތިތަކުގެ ރަޖިސްޓަރީ ނުލިބޭތީ ރައްޔިތުން ކަންބޮޑުވާ ކަމަށް ވިދާޅުވިއެވެ.
'މިހާރު މާލޭގެ ގޭގެއަށް ވަންނަ އިރު ކޮންމެ މީހަކުވެސް ބުނަނީ ކިހާ ދެރަކަމަކޭ، މިހާރުވެސް ބުނެޔޭ ގޯތީގެ ރަޖިސްޓްރީ ހަވާލުކުރާނަމަ އެކަމަކު އެކަން ކުރާތަނެއް ނުފެނެވޭ. ފުށި ދިއްގަރުފަޅުގެ ވާހަކަ ދެކެވެނީ ރަށު ތެރެއިން އިވެނީ މަގެއް ނުހަދާނެ ވާހަ، ރަށުތެރެ ހިއްކުމާއި އެއްޗެހި މަޑުޖައްސާލާ ވާހަކަ
މި ސަރުކާރުން ފަށާފައިވާ ފުށިދިއްގަރު ފަޅުގެ މަޝްރޫއުއަށް ފާޑުކިޔަމުން މާރިޔާ ވިދާޅުވީ ސަރުކާރުން އުޅެނީ މާލޭ ރައްޔިތުން އެތަނަށް 'ފޮނުވާލަން' ކަމަށެވެ. އަދި އެކަމާއި ގުޅޭ ގޮތުން މާލޭގެ ރައްޔިތުން ކަންބޮޑުވުންތައް ހުރި ކަމަށް ވިދާޅުވިއެވެ.
މި ސަރުކާރުގެ ފަރާތުން މޭޔަރުގެ ރޭހުގައި ވާދަކުރައްވާ ކުރީގެ ބަންޑާރާ ނައިބު އާޒިމާ ޝަކޫރްގެ މެނިފެސްޓޯއަށް މާރިޔާ ވަނީ ފާޑުވިދާޅުވެފައެވެ.
'' ފަހުރުވެރިން އަންހެނުން މިސާލަކަށް، އޭގައި ވައުދަކީ ކޮބައިތޯ؟ އަޅުގަނޑަށް ނޭގުނު ވިސްނާ ވިސްނާ ނޭގުނު މާލެ 21 ގަރުނަށް ގެނައުމަށްޓަކައި... 21 ގަރުނަށް ގެންނަން ރައީސް މުއިއްޒު ކުރެއްވީ ކޮން ކަމެއްތޯ މާލެއަށް ނުގެނެވިފައި އޮތީތޯ އެ ބޭފުޅުން އަމިއްލަ އަށް އެކަމާއި އިއިތުރާފް ވަނީތޯ" ބަހުގެ ހަމާލަތައް އާޒިމާ އަށް ފޮނުވަމުން މާރިޔާ ވިދާޅުވިއެވެ.
މާރިޔާ ވިދާޅުވީ ނިމިދިޔަ ސަރުކާރުގައި ލާމަރުކަޒީ ނިޒާމުގެ ތެރެއިން މާލޭ ސިޓީ ކައުންސިލްގެ އެކަށީގެންވާ ވަރުގެ ބަޖެޓް އެއް ކަނޑައެޅި ކަމަށާއި ނަމަވެސް މާލޭގެ މީހުން ބޭނުންވާ ކަންތައްތަކަކީ ކޮބައިތޯ ކައުންސިލް އޮޅުން ފިލުވާފައި ނުވާނެ ކަމަށެވެ.
އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް މޯދީ އައުޓް އިންޑިއާ އައުޓް