ފަރުކޮޅުފުށީގައި މިރޭ ހަވާ އަރުވަނީ

މިރޭ ފަރުކޮޅުފުށީގައި ހަވާ އަރުވާނެ ކަމަށް އެމްއެންޑީއެފުން ވިދާޅުވެއްޖެއެވެ.

Ads by STELCO

އެމްއެންޑީއެފުން ވިދާޅުވީ ހަވާ އަރުވަން ހަަމަޖެހިފައިވަނީ މިރޭ ފަރުކޮޅުފުށީގެ ބޭރުން 22:00ގައި ކަމަށާއި ހަވާ އަރުވާނީ 3 މިނެޓަށް ކަމަށެވެ.

މިރޭ ހަވާއަރުވަނީ ފަރުކޮޅުފުށީގައި ބާއްވާ ޕްރައިވެޓް ހަފުލާއެއްގެ ތެރެއިންނެވެ.

ފަރުކޮޅުފުށީގައި ބާއްވާ ޕްރައިވެޓް ހަފުލާއެއްގައި، މިރޭ 22:00 ހާއިރު، ފަރުކޮޅުފުށީ ބޭރުން ހަވާ އެރުވުމަށް ހަމަޖެހިފައިވާ ވާހަކަ މަޢުލޫމާތަށް ޓަކައި ދަންނަވަން. ހަވާ އެރުވުން ކުރިއަށްދާނީ ގާތްގަނޑަކަށް 3 މިނެޓެއް ހާއިރު.

— Maldives National Defence Force (@MNDF_Official) January 14, 2024

ވިޔަފާރި އުސޫލުން ޕްރައިވެޓް އިވެންޓަކަށްނަމަ ހަވާއަރުވައި ދެނީ ކޮންމެ މިނިޓަކަށް ގާތްގަނޑަކަށް 600 ޑޮލަރާއި 1،000 ޑޮލަރާ ދެމެދުގެ އަގުތަކެއްގައެވެ. އެމްއެންޑީއެފުން މީގެ ކުރިންވެސް އަމިއްލަ ފަރާތްތަކުން ބާއްވާ ތަފާތު ޙަފްލާތަކުގައި މާލެއާއި ބައެއް ރަށްރަށުގައިވެސް ހަވާ އަރުވައިދީފައިވެއެވެ.