ޒުވާން އަންހެން ކުއްޖެއްގެ ކުއްލި މަރު ފުލުހުން ތަހުޤީގު ކުރަނީ

ހުޅުމާލޭގައި ރޭ އުމުރުން 21 އަހަރުގެ އަންހެނަކު ނިޔާވި މައްސަލަ ބަލަމުން އަންނަ ކަމުގައި ފުލުހުން ހާމަކޮށްފިއެވެ.

Ads by STELCO

ފުލުހުންގެ މީޑިއާ އޮފިޝަލު ރޭ ބުނެފައިވަނީ ރޭ 11:42 އެހާކަންހާއިރު ހުޅުމާލޭ ހޮސްޕިޓަލަށް ގެންދިޔަ 21 އަހަރުގެ ޒުވާން އަންހެނަކު އެ ހޮސްޕިޓަލަށް ގެންދިޔައިރު ވެސް ނިޔާވެފައިވާ މައްސަލައެއް ހޮސްޕިޓަލުން ފުލުހަށް ފޮނުވާފައިވާ ކަމަށެވެ.

އަދި އެ މައްސަލައާ ގުޅިގެން ބަލަންޖެހޭ ކަންކަން ބަލައި ތަހުގީގެއް ކުރަމުން ގެންދާ ކަމަށް ވެސް ބުނެފައިވެއެވެ. ނަމަވެސް މިކަމާއި ގުޅޭ އިތުރު މަޢުލޫމާތެއް ފުލުހުން ހާމައެއް ނުކުރެއެވެ.

މައުލޫމާތު ލިބިފައިވާ ގޮތުގައި ނިޔާވެފައިވަނީ ރާއްޖޭގެ އޮންލައިން ނޫހެއްގައި ކުރިން ފޮޓޯ ޖާނަލިސްޓެއްގެ ގޮތުގައި މަސައްކަތް ކުރި ޒުވާނެކެވެ.