ރޯދަމަހު އިންތިޚާބުތައް ނުބޭއްވޭ ގޮތަށް އިސްލާހެއް ހުށަހަޅައިފި
ރަމަޟާން މަހުގެ ދުވަހެއްގައި އިންތިޚާބު ނުބޭއްވޭގޮތަށް، އިންތިޚާބުތަކާބެހޭ އާންމު ޤާނޫނަށް އިސްލާހު ހުށަހަޅައިފިއެވެ.
މި އިސްލާހު ހުށަހަޅާފައި ވަނީ ރަމަޟާން މަހުގެ ތެރޭގައި މި ފަހަރުގެ މަޖިލިސް އިންތިޚާބު ބާއްވަން ނިންމާފައި ވާތީ، އެކަމާ ގުޅިގެން އެމްޑީޕީގެ ޕާލަމެންޓްރީ ގްރޫޕުގެ މަޝްވަރާ ބައްދަލުވުމެއް ބޭއްވުމަށްފަހު އެ ޕާޓީގެ ޕީޖީގެ ނިންމުމާއެކުގައެވެ.
އެގޮތުން މި އިސްލާހު ހުށަހަޅާފައި ވަނީ އިހަވަންދޫ ދާއިރާގެ މެންބަރު މުހައްމަދު ޝިފާއުއެވެ.
އިންތިޚާބުތަކާބެހޭ އާންމު ގާނޫނުގެ 43 ވަނަ މާއްދާ އިސްލާހުކުރަން ހުށަހަޅާފައިވާއިރު މި މާއްދާގެ (ށ)ގައި ބުނެފައި ވަނީ، ރަމަޟާން މަހުގެ ދުވަހެއްގައި އިންތިޚާބެއް ބާއްވާއިގެން ނުވާނެ ކަމަށެވެ.
ހަމަ އެހެންމެ އިންތިޚާބު ބާއްވަންޖެހޭ ތާރީޚު ރަމަޟާން މަހުގެ ދުވަހަކާ ދިމާވާނަމަ، އެ އިންތިޚާބެއް ބާއްވަން ވާނީ ރަމަޟާން މަސް ނިމުމުގެ 10 ދުވަސް ފަހުން ކަމަށް ބުނެފައި ވެއެވެ.
މީގެ އިތުރުން މި މާއްދާގެ (ނ) ގައި ބުނެފައިވަނީ މި ހާލަތުގައި، އެ އިންތިޚާބަކާގުޅޭ ޚާއްސަ ގާނޫނުގެ ދަށުން، ނުވަތަ މި ގާނޫނުގެ ދަށުން އެކި ކަންކަމަށް ކަނޑައަޅާފައިވާ މުއްދަތުތަކަށް އަމަލުކުރެވެން ނެތް ހާލަތެއް ކުރިމަތިވާނަމަ، މި މާއްދާގެ (ށ)ގައި ބުނެފައިވާ ގޮތަށް އިންތިޚާބު ބޭއްވުމަށްޓަކައި އެ މުއްދަތުތަކަށް ބަދަލުގެނެސް، އިލެކްޝަންސް ކޮމިޝަނުން އަލުން މުއްދަތުތައް ކަނޑައަޅަންވާނެ ކަމަށެވެ.
ކަލޭމެން ބޭނުން ވީމަ ޑްރާމާ ކުޅެފަ ވަލުޢީގާނޫނު ހަދާފަ ސަކަރާތް ޖަހަން ތިބޭ ފައފުހި ތަކަކަށް ރައްޔިތުން ނުހައްދަވާ ކަލޭމެން މަޖިލިސް މެމްބަރުންނަކީ ގާނޫނު ހަދަންތިބޭ ބައެއް އެއިން ގާނޫނަކަށް ކަލޭމެން ކިޔަމަން ވަނީކީވެސް ނޫން ޢިއްޒަތްތެރި މެމްބަރުންވީމަ