ޕްރައިމަރީގެ ވޯޓުލުން ކުރިއަށްދާ ގޮތް ރައީސް ބައްލަވާލައިފި

މިއަދު ކުރިއަށްދާ ރައްޔިތުންގެ މަޖިލީހުގެ އިންތިހާބުގައި ސަރުކާރު ތަމްސީލުކުރާ ޕީޕީއެމް/ޕީއެންސީގެ ޕްރައިމަރީގެ ވޯޓުލުން ރައީސް ޑރ. މުހައްމަދު މުއިއްޒު ވަޑައިގެން ބައްލަވާލައިފި އެވެ.

Ads by MWSC

ރައީސް މިއަދު މެންދުރު ފަހު ވަޑައިގެންނެވީ ހެންވެއިރު ދަނޑުގައި ވޯޓުލުން ކުރިއަށްދާ މަރުކަޒުތަކަކަށެވެ. އެ ތަނުގައި ބަހައްޓާފައިވަނީ އަތޮޅުތަކުގެ ވޯޓު ފޮށިތަކެވެ.

ރައީސް ވަނީ އެ ސަރަހައްދަށް ވަޑައިގެން ވޯޓު ލާން ގޮސް ތިބި އާންމު ރައްޔިތުންނާ ސަލާމް ކުރައްވައިފަ އެވެ.

އެ ސަރަހައްދުގައި ހުންނަވައިގެން ރައީސް މީޑިއާ ވާހަކަދައްކަވަމުން ވިދާޅުވީ, ވޯޓުލުން ވަރަށް ފޯރިއާއެކު ސުލްހަވެރިކަމާއެކު ކުރިއަށް ދާ ކަމަށެވެ. އަދި ހަމަނުޖެހުން ހިނގި ސަރަހައްދުގެ ކަންކަން ވެސް މިހާރު ރަނގަޅުވެފައިވާ ކަމަށް ރައީސް ވިދާޅުވި އެވެ.

"އުންމީދަކީ ޕްރައިމަރީ ނިމުނީމާ ހޮވޭ ބޭފުޅުންނާއެކު ނުހޮވޭ ބޭފުޅުން ވެސް އެކައްޗަކަށް ވެގެން ކުރިއަށް އޮރް ރައްޔިތުންގެ މަޖިލިސް އިންތިހާބުގައި އަޅުގަނޑުމެން ކޯލިޝަންގެ ކެންޑިޑޭޓުން ވާދަކޮށް ރަނގަޅު ނަތީޖާއެއް ނެރުން," ރައީސް ވިދާޅުވިއެވެ.

މާލޭގެ އިތުރުން ރަށްރަށުގައި ވޯޓުލުން ހެނދުނު 10:00 ގައި ފަށާފައިވާއިރު، ވޯޓުލުން ކުރިއަށްދާނީ ހަވީރު 05:00 އާ ހަމަޔަށެވެ.

ޕްރޮގްރެސިވް ކޮންގްރެސް އިން ބުނެފައިވާ ގޮތުން މި  ޕްރައިމަރީގައި 73 ދާއިރާއަކަށް 71،597 މީހުންނަށް ވޯޓު ލެވޭނެެވެ. 283 ކެންޑިޑޭޓުން މި ޕްރައިމަރީގައި ވާދަކުރެއެވެ.