މަކާރާއި ހީލަތުން ފައިސާ ހޯދި ކަމަށް ތުހުމަތުކުރެވޭ މައްސަލައަކާއި ގުޅިގެން ދެ މީހަކު ހޯދަނީ
މަކަރާއި ހީލަތް ހެދުމުގެ ކުށުގައި ތަހުގީގަށް ހާޒިރުކުރަން ޖެހޭ ދެ މީހަކު ހޯދުމަށް އިއުލާންކޮށްފިއެވެ.
ފުލުހުން ވިދާޅުވީ ގއ. ދާންދޫ ޕޮލިސް ސްޓޭޝަނުން ތަހުގީގުކުރަމުންދާ މަކާރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ދެ މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނުކުރާ ކަމަށެވެ.
ހޯދަން އިއުލާންކޮށްފައިވަނީ ތ. ގުރައިދޫ، ވިނަރެސް، އަހުމަދު ޝާހީން (36އ) އާއި ޢަލީ އަކްބަރު، ކ. މާލެ / މ. ހިއުމިޑް (26އ) އެވެ.
މި މައްސަލައިގެ ތަހުގީގަށް ސުވާލުކުރުމަށް ޝާހީން ހާޒިރުވާން އަންގާފައިވަނީ މިމަހުގެ 12 ވަނަ ދުވަހުގެ މެންދުރުފަހު 1:00 އަށެވެ. އަދި އަލީ އަކްބަރު ހާޒިރުވާން އަންގާފައިވަނީ މެންދުރުފަހު 2:00 އަށް ގއ. ދާންދޫ ޕޮލިސް ސްޓޭޝަނަށް ނުވަތަ އެންމެ ކައިރީގައިވާ ފުލުހުންގެ މަރުކަޒަކަށެވެ.
Ads by STO
