މަސައްކަތް މި ކުރަނީ ވީހާވެސް އަވަހަކަށް ޝަރުތުހަމަވާ އެންމެންނަށް ފްލެޓްތައް ހަވާލުކުރުމަށް: ހައިދަރު
މަސައްކަތް މި ކުރަނީ ވީހާވެސް އަވަހަކަށް ޝަރުތުހަމަވާ އެންމެންނަށް ފްލެޓްތައް ހަވާލުކުރުމަށް ކަމަށް ހައުސިންގ މިނިސްޓަރ ޑރ. ހައިދަރު ވިދާޅުވެއްޖެއެވެ.
ފްލެޓްތަކާއި ގުޅޭގޮތުން ވާހަކަފުޅުދައްކަވަމުން ހައިދަރު ވިދާޅުވީ އިއްޔެ ބޭއްވި ނޫސްވެރިންގެ ބައްދަލުވުމެއްްގައި ފްލެޓަށް އެދި ހުށަހަޅާފައިވާ ފޯމުތަކުގެ ތެރެއިން މައްސަލަ އުޅެނީ 20 އިންސައްތަ ފޯމުގައި ކަމަށް އޭސީސީން ވިދާޅުވެފައިވާ ކަމަށެވެ.
މިކަމާއި ގުޅޭ އިތުރު ތަފްސީލް ހޯދުމަށް އޭސީސީއާއެކު މަޝްވަރާކޮށްފައިވާ ކަމަށާއި ފްލެޓަށް އެދި ހުށަހެޅި މީހުންގެ ރިޕޯޓު ހޯދުމަށް އެދިފައިވާނެ ކަމަށެވެ.
“އެބޭފުޅުން ވިދާޅުވި ރިޕޯޓު އަޅުގަނޑުމެންނާ ހިއްސާކުރާނަމޭ. އަދި މިހާތަނަކަށް އެއްވެސް ތަފްސީލީ ރިޕޯޓެއް ލިބިފައެއް ނެތް” ހައިދަރު ވިދާޅުވިއެވެ.
ހައިދަރު ވިދާޅުވީ މަސައްކަތްކުރަނީ ވީހާވެސް އަވަހަކަށް ޝަރުތުހަމަވާ އެންމެންނަށް ފްލެޓްތައް ހަވާލުކުރުމުގެ މަސައްކަތް ކުރިޔަށް ގެންދިޔުމަށް ކަމަށެވެ.
