މީހެއްގެ އެކައުންޓުން ފޭރުނު 1.8 މިލިއަން ރުފިޔާ ހޯދައިފި
މީހެއްގެ އެކައުންޓުން ފޭރިގެން 1.8 މިލިއަން ރުފިޔާ ފޭރިގެން މައްސަލައެއްގައި ތުހުމަތުވާ ތިން މީހަކު ހައްޔަރުކޮށް، އެ މައްސަލައިގައި ހިމެނޭ 98 އިންސައްތަ ފައިސާ ހޯދާފައިވާ ކަމަށް ފުލުހުން މިއަދު ބުނެފިއެވެ.
އިސްކަންދަރުކޮށީގައި މިހާރު ކުރިއަށްދާ ޕްރެސް ކޮންފަރެންސްގައި، އިކޮނޮމިކް ކްރައިމް ޑިޕާޓްމަންޓުގެ ހެޑް، ސުޕްރިޓެންޑެންޓު އޮފް ޕޮލިސް އަބްދުﷲ ރަޝީދު ވިދާޅުވީ މި މައްސަލަ ފެންމަތިވެފައިވަނީ މިދިޔަ މަހުގެ ތެރޭގައި ކަމަށެވެ.
ރަޝީދު ވިދާޅުވީ މި މައްސަލައިގެ ތުހުމަތު ހަތަރު މީހަކަށް ކުރެވޭ ކަމަށާއި އޭގެ ތެރެއިން ތިން މީހަކު ހައްޔަރުކޮށްފައިވާ ކަމަށެވެ. ހައްޔަރު ނުކުރަނީ، މައްސަލައިގައި ޝާމިލުވާ އުމުރުން 18 އަހަރު ނުފުރޭ ކުއްޖެއް ކަމަށް ރަޝީދު ވިދާޅުވިއެވެ.
މި ޓްރާންސެކްޝަންތައް ހިންގާފައި ހުރި ބޭންކުތަކާއި އެކު ވަގުތުން ކޯޑިނޭޓް ކުރުމަށް ފަހު 48 ގަޑިއިރުގެ ތެރޭގައި ގެއްލުނު ފައިސާގެ 98 އިންސައްތަ ހޯދުނު ކަމަށް ވެސް ރަޝީދު ވިދާޅުވިއެވެެ.
