ގަލޮޅު ދަނޑުގައި ހިނގި މާރާމާރީއާ ގުޅިގެން ހައްޔަރުކުރި 16 މީހުންގެ ތެރެއިން 13 މީހަކު ދޫކޮށްލައިފި
މިމަހުގެ ހަތް ވަނަ ގަލޮޅުދަނޑުގައި ހިނގި މާރާމާރީއާ ގުޅިގެން 16 މީހަކު ހައްޔަރުކޮށްފައިވާ ކަމަށް ފުލުހުން ވިދާޅުވެއްޖެއެވެ.
ފުލުހުން މިއަދު ވިދާޅުވީ އެ ދުވަހު ގަލޮޅު ދަނޑުގައި ވިކްޓްރީ ސްޕޯޓްސް ކްލަބް އާއި ކުޑަހެންވޭރު ސްޕޯޓްސް ކްލަބް ބައްދަލުކުރި މެޗުގެ ކުޅުން ކުރިޔަށްދަނިކޮށް ބަޔަކު ދަނޑަށް އަރައި ހަމަނުޖެހުން ހިނގާ, ވިކްޓްރީ ސްޕޯޓްސް ކްލަބްގެ ކުޅުންތެރިންނާއި އޮފިޝަލުންނާ މެދު މާރާމާރީ ހިނގި މައްސަލާގައި މިހާތަނަށް 16 މީހަކު ހައްޔަރުކޮށްފައިވާ ކަމަށެވެ.
އެމީހުންގެ ތެރެއިން މިވަގުތު ފުލުހުންގެ ބެލުމުގެ ބަންދުގައި ތިބީ ތިން މީހުން ކަމަށާއި އެމީހުންގެ ބަންދާމެދު ގޮތެއް ނިންމުމަށް މިމަހުގެ 18 ވަނަަ ދުވަހު ކްރިމިނަލް ކޯޓަށް ހާޒިރުކުުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށާއި ދެން ތިބި 13 މީހުންގެ ތެރެއިން ބައެއް މީހުން ދޫކޮށްލާފައިވާ ކަމަށް ފުލުހުން ވިދާޅުވިއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
