ތިން ކިލޯގެ ޑްރަގް އެތެރެކުރަން އުޅެނިކޮށް ހުއްޓުވައިފި
ރާއްޖެއަށް އެތެރެކުރަން އުޅުނު ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސްއިން އިއްޔެ އަތުލައިގަނެފިއެވެ.
ކަސްޓަމްސްއިން ބުނީ އެ މިތަކެތި އަތުލައިގެންފައިވަނީ މިމަހުގެ 20 ވަނަ ދުވަހު ބަލާ ފާސްކުރެވުނު ދެ ޕެކޭޖެއްގެ ތެރެއިން ކަމަށެވެ. އަތުލައިގަނެވުނު މަސްތުވާތަކެތި މިހާރު ވަނީ ފުލުހުންނާ ހަވާލުކޮށްއެވެ.
އެ އިދާރާއިން ބުނީ އަތުލައިގަތް ދެ ޕެކޭޖްގެ ބަރުދަނުގައި 3.3 ކިލޯ ހުރި ކަމަށެވެ. އޭގެ ތެރެއިން އެއް ޕެކޭޖުގެ ބަރުދަނުގައި 3.1 ކިލޯގްރާމް ހުރިއިރު، ދެވަނަ ޕެކޭޖުން ފެނުނު މަސްތުވާތަކެތީގެ ބަރުދަނުގައި ޖުމްލަ 210 ގުރާމް ހުރިކަމަށް ކަސްޓަމުން މައުލޫމާތު ދެއެވެ.
ދާދި ފަހުން ވަނީ ވައިގެ މަގުން ރާއްޖެއައި ޕާކިސްތާނުގެ ރައްޔިތެއްގެ ލަގެޖުން ވެސް 5:30 ކިލޯގެ މަސްތުވާތަކެތި ކަސްޓަމްސްއިން އަތުލައިގަނެފަައެވެ. އެތަކެތި އަތުލައިގަނެފައިވަނީ މިމަހުގެ 12 ވަނަ ދުވަހު، ޤަތަރުގެ ދޯހާއިން ރާއްޖެއައި ޕާކިސްތާނުގެ 56 އަހަރުގެ ފިރިހެން ފަސިންޖަރެއްގެ ލަގެޖްގައި މަސްތުވާތަކެތި ރައްކާކޮށްގެން ގެނެސްފައިވާ ކަމަށް ޝައްކުކުރެވިގެން، އެފަސިންޖަރުގެ ލަގެޖް ބަލައިފާސްކުރުމުގެ ތެރޭގައެވެ.
