ފުވައްމުލަކު އެކްސިޑެންޓުގައި އަނިޔާވި މީހާގެ ހާލު ސިރިއަސް، އިތުރު ފަރުވާއަށް މާލެ

ފުވައްމުލަކުގައި ހިނގި އެކްސިޑެންޓުގައި އަނިޔާވި މީހާ އިތުރު ފަރުވާއަށް މާލެ ގެނެސްފިއެވެ.

Ads by MWSC

މި އެކްސިޑެންޓު ހިނގާފައިވަނީ ރޭ 11:43 ހާއިރުއެވެ. ފުލުހުން ވިދާޅުވީ މި ހާދިސާގައި އަނިޔާވި މީހާގެ ހާލު ސީރިއަސް ކަމަށެވެ.

އެކްސިޑެންޓް ހިނގަން މެދުވެރިވީ ސައިކަލެއް ކޮންޓްރޯލްނުވެ ޒިބްރާކްރޮސް ދަނޑީގައި ޖެހިގެންނެވެ.

އަނިޔާވި 32 އަހަރުގެ ދިވެހި ފިރިހެން މީހާ އަށް އެންމެ ފުރަތަމަ ފަރުވާ ދީފައިވަނީ ފުވައްމުލަކު ހޮސްޕިޓަލުގައެވެ. ނަމަވެސް އިތުރު ފަރުވާއަށް ރޭ ފަތިހު އޭނާ މާލެ ގެނެސްފައިވާ ކަމަށް ފުލުހުން މަޢުލޫމާތު ދެއެެވެ.

ދާދި ފަހުން ވެސް ފުވައްމުލަކުގައި ވަނީ ނުރައްކާތެރި އެކްސިޑެންޓެއް ހިނގާފައެވެ. އެ އެކްސިޑެންޓު ހިނގަން މެދުވެރިވީ ސައިކަލެއް ކޮންޓްރޯލްނުވެ ގޮސް ފާރެއްގައި ޖެހިގެންނެވެ. އެ ހާދިސާގައި އަނިޔާވި ޒުވާނާ ވަނީ ނިޔާވެފައެވެ.