Saturday, 14 November 2026
Advertisement
Ooredoo — Article-Top (leaderboard)
ޚަބަރު

ސިޔާސީ ކަންކަމުން ދުރަށް ޖެހި ވަޑައިގެން ނަޝީދު، ސިޔާސީ ޒުވާބަކާއި އެކު އަނބުރާ ސޯޝަލް މީޑިއާއަށް

ސިޔާސީ ކަންކަމުން ދުރަށް ޖެހި ވަޑައިގެން ނަޝީދު، ސިޔާސީ ޒުވާބަކާއި އެކު އަނބުރާ ސޯޝަލް މީޑިއާއަށް
ސިޔާސީ ކަންކަމުން ދުރަށް ޖެހި ވަޑައިގެން ކުރީގެ ރައީސް މުހައްމަދު ނަޝީދު، ސިޔާސީ ޒުވާބަކާއި އެކު އަނބުރާ ސޯޝަލް މީޑިއާއަށް ދުރުވެވަޑައިގެންފިއެވެ. ނަޝީދުގެ ނުރަސްމީ އެކްސް އެކައުންޓުގައި ކުރެއްވި ޕޯސްޓެގައި ވިދާޅުވުވެފައި ވަނީ މި ސަރުކާރަށް ފާރަވެރިވާން އެންމެ ކުޅަދާނަ ވަނީ އެންމެ ކުރީސްހުރެ އެކަން ކުރަމުން އައި މީހުންނަށް ކަމަށެވެ. އަދި އެ ބަޔަކީ އެމަނިކުފާނު އަލަށް އުފެއްދެވި ޕާޓީ ކަމަށް ވާ ދަ ޑިމޮކްރެޓްސް ކަމަށް ވެސް އެ ޕޯސްޓުގައި ނަޝީދު ވަނީ ވިދާޅުވެފައިއެވެ. https://twitter.com/anedhivehirajje/status/1778695483977818327 ދަ ޑިމޮކްރެޓްސް އަކީ 2023 ވަނަ އަހަރު އެމްޑީޕީގެ ތެރޭގައި ޖެހުނު ހަމަނުޖެހުމަކާއި ގުޅިގެން އެ ޕާޓީގެ ރައީސް ކަމުން އިސްތިއުފާ ދެއްވާ، ޕާޓީއިން ވަކިވެ ވަޑައިގެން، ރައީސް ނަޝީދު އަމިއްލަފުޅަށް އަމިއްލައަށް އުފެއްދެވި ޕާޓީއެކެވެ. އެމްޑީޕީގެ ގިނަ މަޖިލިސް މެމްބަރުން މިޙާރު އަންނަނީ ކޮންޓްރެކްޓެއްގެ ބޭނުމުގައި ޕާޓީއަށް ފާރަވެރިވުން ދޫކޮށްލާފައިކަމަށް ތުހުމަތުކުރައްވާ ރައީސް ނަޝީދު ވިދާޅުވީ ކޮންޓްރެކްޓޫގެ ބޭނުމުގައި އުޅުއްވި ކަމުގައި ވީނަމަވެސް ހަގީގަތުގައި އެމްޑީޕީގެ ތިލަފަތް މިހާރު އޮތީ ދަ ޑިމޮކްރެޓްސް އަތުގައި ކަމަށެވެ.
"އަސްލު އެމްޑީޕީ އަކީ އަޅުގަނޑުމެން،"
މިސްރާބު ހަމަމަގަށް ގެނެވެން އޮތީ ދަ ޑިމޮކްރެޓްސްއަށް ވޯޓު ދީގެން ކަމަށާއި ސަރުކާރަށް އެންމެ ފުރިހަމަ ގޮތުގައި ފާރަވެރި ވެވެން އޮތީ ކުރިން ވެސް އެކަމުގައި އުޅުން މީހުންނަށް ކަމަށްވެސް ނަޝީދު ވިދާޅުވިއެވެ. ނަޝީދު މިފަދައިން ވިދާޅުވެފައި މިވަނީ ކުރީގެ ރައިސް ޔާމީން އަބްދުލް ގައްޔޫމް އަލަށް އުފެއްދެވި ސިޔާސީ ޕާޓީ، ޕީޕަލްސް ނޭޝަނަލް ފްރަންޓު (ޕީއެންއެފް)އިން ވެސް ސަރުކާރަށް ފާރަވެރިވަމުން އަންނަކަމަށް ބުނަމުން އަންނަ ދަނޑިވަޅެއްގައިކަން ފާހަގަކޮށްލެވެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.