ނޭމާ ކޮވިޑަށް ފައްސިވެއްޖެ

ނޭމާ އާއި ޕީއެސްޖީގެ ތިން ކުޅުންތެރިއަކު ކޮވިޑް-19 އަށް ފައްސި ވެއްޖެ އެވެ.

Ads by Sosun Fihaara

މިކަން ހާމަކޮށްފައިވަނީ ޕީއެސްޖީ އިން ނެރުނު ބަޔާނެއްގައެވެ. އެބަޔާނުގައި ބުނެފައިވާ ގޮތުގައި ޕީއެސްޖީގެ 3 ކުޅުންތެރިން ކަމަށްވާ ނޭމާ، ޑި މާރިއާ އަދި ޕަރޭޑަސް ވަނީ ކޮވިޑް19 އަށް ފައްސިވެފައެވެ.

އަދި މި ތިން ކުޅުންތެރިން ފައްސިވުމާ ގުޅިގެން އަޅަން ޖެހޭ ފިޔަވަޅުތައް އަޅާފައިވާ ކަމަށްވެސް ޕީއެސްޖީ އިން މިކަން ކަށަވަރު ކޮށްދީ ކުރި ޓްވީޓުގައި ބުނެފައިވެއެވެ.

Three @PSG_English players are confirmed positive after a Sars CoV2 test and have undergone the appropriate health protocols.

All players and staff will continue to be tested over the next few days.

— Paris Saint-Germain (@PSG_English) September 2, 2020

އަދި ކުރިއަށް އޮތް ތަނުގައި ޕީއެސްޖީގެ ހުރިހާ ކުޅުންތެރިންނާއި މުވައްޒަފުން ކޮވިޑަށް ޓެސްޓު ކުރާނެ ކަމަށް ވެސް އެ ޓްވީޓުގައި ބުނެފައިވެއެވެ.

ސްޕެއިންގެ ރަށެއް ކަމުގައިވާ އިބްޒާ އަށް ޗުއްޓީ ހޭދަކުރަން ގޮސް އުޅެނިކޮށް ކޮވިޑް19 އަށް ފައްސިވި ޕީއެސްޖީގެ މި ތިން ކުޅުންތެރިން ވެސް މިހާރު ވަނީ ކަރަންޓީނު ކޮށްފައެވެ.