Tuesday, 17 November 2026
Advertisement
MWSC — SmartMeter (leaderboard)
ބޮލީވުޑް

މަޝްހޫރު މީހެއްގެ ދަރިއަކަށް ނުވީމައި ފިލްމު ގެއްލުނު: ރާޖްކުމާރު

މަޝްހޫރު މީހެއްގެ ދަރިއަކަށް ނުވީމައި ފިލްމު ގެއްލުނު: ރާޖްކުމާރު

ބޮލީވުޑްގެ މަޝްހޫރު އާއިލާއަކަށް ނިސްބަތް ނުވާތީ ފިލްމު ނުލިބުނު ދުވަސްތަކެއްވެސް ދިޔަކަމަށް އެކްޓަރު ރާޖްކުމާރު ރާއޯ ބުނެފި އެވެ.

ރާޖްކުމާރު ރާއޯ އަކީ ކުދި ރޯލުތަކުން ބޮލީވުޑަށް ތައާރަފުވެ ކުޑަ ދުވަސްކޮޅެއްގެ ތެރޭގައި އާންމުންގެ ބޮޑު ތަރުހީބެއް ހޯދި ފަރާތެކެވެ. ވޭތުވެދިޔަ ތަނުގައި އޭނާ ވަނީ އޭނާގެ ހުނަރުން ބައެއް އެވޯޑުތައްވެސް ކާމިޔާބު ކޮށްފަ އެވެ.

ރިލީޒްވާން ތައްޔާރުވަމުންދާ "މިސްޓަރ އެންޑް މިސިޒް" މާހީގެ ޕްރޮމޯޝަންގައި އިންޓަވިއުއެއްގައި ބައިވެރިވެ ވާހަކަ ދައްކަމުން ރާޖްކުމާރު ވަނީ އޭނާގެ ފިލްމީ ކެރިއަރުގެ ކުރީކޮޅާއި ގުޅޭ ބައެއް ވާހަކަތައް ހިއްސާކޮށްފަ އެވެ. އެގޮތުން އޭނާ ބުނީ އަލަށް މުމްބާއީއަށް ގޮސް އޮޑިޝަން ދިން ދުވަސްވަރު އެހެން "އައުޓްސައިޑާޒް" އެކޭ އެއްގޮތަށް ޕާޓީތަކަށް ގޮސް މީހުންނާ ރަހުމަތްތެރިކަމުގެ ގުޅުން އުފެއްދި ކަމަށެވެ.

Advertisement
HDC — Sidebar (box)

ކެރިއަރުގެ ކުރީކޮޅު ވަރަށް ބޮޑު ފިލްމަކުން ބޮޑު ރޯލެއް ލިބުނުކަމަށާއި އެހެންނަމަވެސް ކުއްލިއަކަށް ހަބަރު ލިބުނީ އެފިލްމު ބޮލީވުޑް މަޝްހޫރު އާއިލާއެއްގެ މެމްބަރަކަށް ދިންކަމަށް ކަމުގައި ރާޖްކުމާރު ބުންޏެވެ. އެ ފިލްމު ގެއްލުމުން ވަރަށް ދެރަވި ކަމަށާއި އަދިވެސް ބޮލީވުޑްގައި މަޝްހޫރު ނުވަތަ ބާރުގަދަ މީހާއަށް އިސްކަން ދިނުން އޮތްކަމަށް އޭނާ ބުންޏެވެ.

ރާޖްކުމާރު ބުނީ އެ ފިލްމުގެ މަސައްކަތް ފަށަން އޮތް ތާރީހު ލަސްވަމުން ގޮސް އެންމެ ފަހުން ފިލްމު މިހާރު ވަނީ ކެންސަލްކޮށްފައި ކަމަށެވެ. ބޮލީވުޑްގައި އޮތް ނެޕޮޓިޒަމް މަޑުމަޑުން ނެތެމުން ދިޔަ ނަމަވެސް އަދިވެސް ބައެއް މީހުން ތަފާތުކުރުން ގެންގުޅޭކަމަށްވެސް ރާޖްކުމާރު ބުންޏެވެ.

ބަތަލާ ޖާންވީ ކަޕޫރާއިއެކު "މިސްޓަރ އެންޑް މިސިޒް މާހީ" ސިނަމާތަކުގައި ރިލީޒްވާން ތައްޔާރުވަމުން ދާއިރު ރާޖްކުމާރުގެ ދެން ރިލީޒްވާނީ ޝްރައްދާ ކަޕޫރާއިއެކު "ސްތްރީ" ސީކުއަލްގެ ދެވަނަ ފިލްމެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.