އަޅުކަމަށްދާ ފަރާތްތަކަށް ސައުދީގައި ބޭނުންކުރެވޭ އުރީދޫ ސިމެއް
ހައްޖާއި އުމްރާގެ ދަތުރުތަކުގައި ބޭނުންކުރެވޭގޮތައް އުރީދޫއިން "ސައުދީ ޕާސްޕޯޓު"ގެ ނަމުގައި ރޯމިން ސިމެއް ތައާރަފް ކޮށްފިއެވެ.
ހައްޖަށް ދާ މީހުންނަށް މި ސިމް ސައުދީ އަރަބިއާގައި ބޭނުން ކުރެވޭނެއެވެ. މި ސިމްގެ އަގަކީ 1 ހާސް ރުފިޔާއެވެ.
އުރީދޫއިން ބުނީ، ސައުދީގައި ވެސް އިންޓަނެޓްގެ ހިދުމަތްލިބޭ މި ސިމުގައި 15 ޖީބީ ޑޭޓާ، 60 މިނެޓުގެ ކޯލް އަދި 60 އެސްއެމްއެސް ރޯމިންގައި ބޭނުންކުރެވޭ ގޮތަށް ބަންޑްލް ކުރެވިފަައިވާނެ ކަމަށެވެ. މީގެ އިތުރަށް ބޭނުން ކުރެވޭ ޑޭޓާއަށް ނަގާނީ އެމްބީއަކަށް 0.99 ރ ކަމަށް ވެސް އުރީދޫއިން ބުނެއެވެ.
އިސްލާމިކް މިނިސްޓަރު ޑރ. ޝަހީމް އަލީ ސައީދު ވިދާޅުވީ، މި ސިމް ތައާރަފް ކުރުމަކީ، ހައްޖުވެރިންނަށް ލުއިފަސޭހަކަމާއެކު ސައުދީ އަރަބިއާގައި ހުރެގެން ރާއްޖެއަށް ގުޅާލުމަށް އެޅުނު ވަރަށް މުހިންމު ފިޔަވަޅެއް ކަމަށެވެ. އަދި މި މަސައްކަތުގެ ސަބަބުން ހައްޖުގެ ބަރަކާތްތެރި އަޅުކަމުގައި އުޅޭ ފަރާތްތަކަށް މުވާސަލާތު ކުރުން ފަސޭހަވާނެ ކަމަށް މިނިސްޓަރު ވިދާޅުވިއެވެ.
ޝަހީމް ވަނީ އުރީދޫއިން މުޖުތަމައުގެ ބޭނުންތައް ފުއްދައިދިނުމަށް ޓެކްނޮލޮޖީގެ ބޭނުން ހިފުމަށް ކުރާ މަސައްކަތް ފާހަގަކޮށް، ރައްޔިތުންނަށް ބޭނުންވާ އެފަދަ ހިދުމަތްތައް ފޯރުކޮށްދެމުންދާތީ އުރީދޫއަށް ޝުކުރު އަދާކުރައްވާފައެވެ.
ސާރ ކޮބާތަފަހުންލިބުނު ކޯޓާ