މެމްބަރު ހުސައިންގެ ތައުޒިޔާ ދަފްތަރުގައި ރައީސް ސޮއި ކުރައްވައިފި
ރައްޔިތުން މަޖިލީހުގެ މަތިވެރި ދާއިރާގެ ކުރީގެ މެންބަރު ހުސައިން މުހައްމަދު އަވަހާރަވުމާއި ގުޅިގެން މަޖިލީހުގައި ހުޅުވާފައިވާ ތައުޒިޔާގެ ދަފްތަރުގައި ރައީސް އިބްރާހިމް މުހައްމަދު ސޯލިހް ސޮއި ކުރައްވައިފިއެވެ.
ހުސައިން މުހައްމަދު އަވަހާރަވުމާ ގުޅިގެން މަޖިލީހުގައި މިއަދު ވަނީ ސުކޫތެއްވެސް ގެނެސްފައެވެ. އަދި ތައުޒިޔާގެ ދަފްތަރުވެސް ހުޅުވާފައި ވަނީ މިއަދުއެވެ. އަދި އެ ތައުޒިޔާގެ ދަފްތަރުގައި ރައްޔިތުންގެ މަޖިލީހުގެ ކުރީގެ މެންބަރުންނަށާއި އާންމުންނަށް ވެސް ސޮއި ކުރުމުގެ ފުރުސަތު ވަނީ ހުޅުވާލާފައެވެ.
މި ދަފްތަރުގައި ފޮރިން މިނިސްޓަރު އަބްދުﷲ ޝާހިދުވެސް ވެސް ވަނީ ސޮއި ކުރައްވާފައެވެ. މިދަފްތަރު ހުޅުވިފައި ހުންނާނީ މި ހަފްތާގެ ނިޔަލަށް ކަމުގައި މައުލޫމާތު ލިބެއެވެ.
ރައްޔިތުންގެ މަޖިލީހުގެ އިތުރުން ނޫސްވެރިކަމުގެ ދާއިރާގައި ވެސް ގިނަ މަސައްކަތެއް ކުރެއްވި ޙުސައިން މުޙައްމަދުގެ ކުއްލި ވަކިވުމާއި ގުޅިގެން ގިނަ ބަޔަކު ދަނީ ހިތާމަ ފާޅުކޮށް އާއިލާއަށް ތައުޒިޔާ ރައްދު ކުރަމުންނެވެ.
