ސަމާހުގެ ކަށު ނަމާދު މިރޭ މަގްރިބް ނަމާދަށްފަހު
ރޭސް ކާރަކުން ޖެހި ރޭ ހިނގި އެކްސިޑެންޓުގައި މަރުވި ހަސަން ސަމާހުގެ ކަށު ނަމާދު މިރޭ މަގްރިބް ނަމާދަށްފަހު ކުރުމަށް ހަމަޖައްސައިފި އެވެ.
ލ. އިސްދޫ، ބީޗް ހައުސް، ހަސަން ސަމާހު (23އ) މަރުވީ ހުޅުމާލޭ ސެންޓްރަލް ޕާކު ކައިރީގައި ހުންނަ އުރީދޫ އިމާރާތް ކައިރިން ބާރު ސްޕީޑުގައި ދުއްވާފައި ދިޔަ ރޭސސް ކާރަކުން ޖެހިގެންނެވެ.
އެކްސިޑެންޓުގައި ލިބުނު އަނިޔާތަކަށް ފަރުވާ ދިނުމަށް ހުޅުމާލޭ ހޮސްޕިޓަލަށް ގެންދިޔަ ނަމަވެސް މާ ގިނަ އިރުތަކެއް ނުވެ ސަމާހު ވަނީ މަރުވެފަ އެވެ.
ސަމާހްގެ ކަށުނަމާދު ކުރުމަށް ހަމަޖެހިފައިވަނީ ހުޅުމާލޭ ސަހަރާ މިސްކިތުގައި މިރޭ މަޣްރިބް ނަމާދަށްފަހު އެވެ.
ސަމާހު ވަޒީފާ އަދާކުރަމުން އައިސްފައިވަނީ މާފުށީ ޖަލުގައި، ޖަލުގެ އިމަޖެންސީ ސަޕޯޓު ގްރޫޕުގަ އެވެ. ޕްރިޒަން ލާންސް ކޯޕްރަލް ސަމާހު މާލެ އައީ މީގެ ހަފްތާއެއް ކުރިން މެރަތަން އަކަށެވެ. އޭނާ ކަރެކްޝަންސްގައި ވަޒީފާ އަދާކުރާތާ ތިން އަހަރު ވެފައި ވެއެވެ.
ރޭ ހިނގި އެކްސިޑެންޓުގައި ސަމާހުއަށް ސީރިއަސް އަނިޔާތަކެއް ލިބުނެވެ. އެގޮތުން އޭނާގެ ބޮލަށާއި މޫނަށް އަނިޔާ ލިބުނުއިރު ގިނަ އަދަދަކަށް ލޭވެސް ހަށިގަނޑުން ބޭރުވެފައިވާ ކަމަށް މައުލޫމާތު ލިބެ އެވެ.
ދިވެހި ފުލުހުންގެ ހިދުމަތުން ދަނީ މި އެކްސިޑެންޓާއި ގުޅޭ ތަހުގީގެއް ހިންގަމުންނެވެ. ފުލުހުން ބުނީ ކާރު ދުއްވަން އިން މީހާ ހައްޔަރު ކޮށްފައިވާ ކަމަށެވެ.
އަޅުގަނޑަށްލަފާކުރެވެނީ ރޭސްކާރު އެތެރެކުރުން މަނާކުރަން ވެއްޖެހެން!
ދައުލަތުގެ އެއްވެސް އިދާރާއަކުން ހަމްދަރުދީ އެއް ނުވޭ ގެއްލޭ ފުރާނައަކަށް.
ކުޑަކުޑަ މާލެގައި ބާރަށް ދުއްވާ މީހުން ފުލުހުންނަށް ފެންނަ ކަމަކަށް ނުވޭ.
ސަރުކާރު ބަދަލުވިޔަސް މި ކަމެއް ރަނގަޅު ނުވޭ
ަމައްސަލައަކީ ބާރަށް ދުއްވުން. ޓްރެފިކް ލައިޓާއި ބުރުތައް ނެތުމެއް ނޫން. އެކަން މިއަދު އެބަ އެނގޭ.