ކުޅުދުއްފުށިން ނިޔާވި މީހަކު ކޮވިޑަށް ފައްސި ވެއްޖެ
ހދ. ކުޅުދުއްދުށިން ނިޔާވި މީހަކު ކޮވިޑު-19 އަށް ފައްސި ވެއްޖެއެވެ.
ހެލްތު މިނިސްޓްރީގެ ޑެޕިއުޓީ ޑިރެކްޓާ ޖެނެރަލް ތަސްލީމާ އަބޫބަކުރު ވިދާޅުވީ ހޯމްއައިސޮލޭޝަން ގައި ހުރި މީހަކު ނިޔާވެފައިވާ ކަމަށާއި، މި މީހާ ވަނީ ކޮވިޑު-19 އަށް ފައްސިވެފައިވާ ކަމަށެވެ.
މީގެ އިތުރުން ތަސްލީމާ ވިދާޅުވީ މި މީހާ ނިޔާވީ ކޮވިޑު ޖެހިގެން ކަމަށް ނުނިންމާނެ ކަމަށާއި ހުރިހާ ލިޔެކިޔުންތައް މިހާރި ދަނީ ހޯދަމުން ކަމަށްވެސް ތަސްލީމާ ވިދާޅުވިއެވެ.
ހދ. ކުޅުދުއްފުށިން ނިޔާވެފައިވާ މީހާއަކީ ބޮޑެތި ބަލިތަކަށް ބޭސް ކުރަމުން އައި މީހެއް ކަމަށާއި، މި މީހާ ނިޔާވެފައި ވަނީ މާލެއިން ރަށަށް ގޮސް ހޯމް ކަރަންޓީނުގައި ހުއްޓާ ހާލު ދެރަވުމުގެ ސަބަބުން ކަމަށް މައުލޫމާތު ވަނީ ލިބިފައެވެ.
ރާއްޖޭއިން ކޮވިޑް ޖެހުނު މީހުންގެ އަދަދު މިހާރު ވަނީ 8000 އަށް އަރާފައެވެ. އަދި ޖުމްލަ 29 މީހަކު މި ބަލީގައި ވަނީ ނިޔާވެފައެވެ.
