ފައްޔާޒު ދުރުކުރަން ނަޝީދު އެދޭ ސަބަބު އެމްޑީޕީގެ ހުރިހާ މެމްބަރުންނަށް އަންގައިދިނުމަށް އެމަނިކުފާނު އެދިއްޖެ
އިކޮނޮމިކް މިނިސްޓަރ ފައްޔާޒް އިސްމާޢީލް މަގާމުން ދުރުވުމަށް ، އެމްޑީޕީގެ ރައީސް ، ރައީސް މުޙައްމަދު ނަޝީދު އެދިވަޑައިގަންނަވާ ސަބަބުތައް އެޕާޓީގެ ހުރިހާ މެމްބަރުންނަށް އަންގައިދިނުމަށް އެމަނިކުފާނު އެދިވަޑައިގެންފިއެވެ.
އެމަނިކުފާނު މިގޮތަށް އެދިވަޑައިގަތީ އެމްޑީޕީގެ ޗެއާޕާސަން ޙަސަން ލަތީފަށް ފޮނުއްވި ސިޓީއެއްގައެވެ.
އެ ސިޓީގައި ރައީސް ނަޝީދު ވިދާޅުވެފައި ވަނީ އެއްވެސް އިރެއްގައި އެއްވެސް މިނިސްޓަރަކާއި ޒާތީ ކަމެއް އެމަނިކުފާނު ނުބާއްވާ ކަމަށާއި، ހަމައެފަދައިން ފައްޔާޒު އާއިވެސް މިކަމުގައި އެއްވެސް ޒާތީ ކަމެއް ނެތް ކަމަށެވެ.
އެމްޑީޕީގެ ސްލޮޓެއްގައި، މިނިސްޓްރީ އޮފް އެކޮނޮމިކް ޑިވެލޮޕްމެންޓާއި ހިންގުމާއި ހަވާލުވެ ހުންނެވި ފައްޔާޒު އިސްމާއިލް މަގާމުގެ މަސްއޫލިއްޔަތުން އެކަހެރިކުރުމަށް ފެންނަ ސަބަބެއް ކަމަށް ރައީސް ނަޝީދު ވިދާޅުވެފައި ވަނީ ފައްޔާޒު ގެ ސަބަބުން އެމްޑީޕީ އަށް ގެއްލުންތަކެއް ލިބިދާނެ ކަމަށްޓަކައެވެ.
އެމްޑީޕީއަކީ ސާފު ޕާޓީއެއް ގޮތުގައި ގިނަ ބަޔަކު ދެކޭ ކަމަށާއި، ރާއްޖޭގެ އާބާދީން ދެބައިކުޅަ އެއްބައިހާ މީހުން އެ ޕާޓީއަށް ތާއީދު ކުރާ ކަމަށް ނަޝީދު ވަނީ ސިޓީގައި ބަޔާންކުރައްވާފައެވެ. މީގެ އިތުރުން އެމްޑީޕީއަކީ ރާއްޖޭގައި އޮތް އެންމެ ދުވަސްވީ ޕާޓީ ކަމަށާއި، ކިތަންމެ އިންތިޚާބެއް ކާމިޔާބު ކޮށްފައިވާނެ ކަމަށް ވެސް ބަޔާން ކޮށްފައިވެއެވެ.
އެމްޑީޕީގެ އެންމެ ސާފު އެއް ސިފަ ގޮތުގައި ނަޝީދުގެ ސިޓީގައި ފާހަގަ ކުރައްވާފައި ވަނީ ކުރު ވެރިކަމެއް ނިމިދިޔަ އިރުވެސް ޕާޓީގެ މަގާމުތައް ފުރުއްވާފައިވާ ބޭފުޅުންގެ ކޮރަޕްޝަންގެ އަމަލުތައް މަދުވުން ކަމަށެވެ. އަދި ވޭތުވެ ދިޔަ 7 އަހަރުވެސް މި ޕާޓިއާއި އަމާޒުކޮށް ނުދައްކާ ވާހަކަ އަކީ ކޮރަޕްޝަންގެ ވާހަކަ ކަމަށްވެސް ނަޝީދު ސިޓީގައި ބަޔާން ކޮށްފައި ވެއެވެ.
"މިނިސްޓަރ ފައްޔާޒު އަމިއްލަ ފުޅަށް އެކަހެރިވެ ވަޑައިގަތުމަށް އަޅުގަނޑު އިލްތިމާސްކުރަން" ރައީސް ނަޝީދު ވިދާޅުވިއެވެ.
"މިހާރުގެ މިނިސްޓަރ އޮފް އިކޮނޮމިކް ޑިވެލޮޕްމަންޓުގެ ކޮރަޕްޝަންގެ އަމަލެއް ހިންގާފައިވޭތޯ ނުވަތަ ނޫންތޯ ޖިނާއި މިންވަރަށް ބެލުމަކީ ސިޔާސީކަމެއް ނޫނެވެ. ޕާޓީން އަޅުގަނޑާއި ހަވާލު ވެފައިވަނީ ސިޔާސީ މަސައްކަތެވެ. އަޅުގަނޑު ފާހަގަ މިކުރަނީ ސިޔާސީ ނަޒަރަކުން ދެކޭނަމަ މިނިސްޓަރު ފައްޔާޒަކީ ޕާޓީގެ ޒިންމާއެކެވެ.އެގޮތުން މިނިސްޓަރު އަމިއްލަ ފުޅަށް އެކަހެރިވެ ވަޑައިގަތުމަށް އަޅުގަނޑު އިލްތިމާސް ކުރަމެވެ." ނަޝީދު ލިޔުއްވާފައިވެއެވެ.
ަސނަ
ނަޝީދު އުޅުއްވަނި އެމަނިކުފާނުގެ ބަރު ކެނޑޭތީ
އެމްޑީޕީ ސާފުވަނީ ނަޝީދު ހުރެގެން އެކަނިބާ؟ ސޯނިޔާ ގާންދީވެސް ޤަރުނެއް ފަހުން ކޮންގްރެސްއިން އިސްތިއުފާ ދީފި.. މަނިކުފާނުގެ ވަގުތުވެސް ޖެހިއްޖެކަމަށް އަޅުގަނޑު އެމްޑީޕީ މީހެއްގެ ހައިސިއްޔަތުން ދެކެމެވެ، މިހާތަނަށް ފެނިފައިވަނީ ނަޝީދުގެ ފަރާތުންވެސް އަމިއްލަ މަސްލަހަތަށް މަސައްކަތް ކުރެއްވިތަނެވެ. ވީމާ އިސްތިއުފާ ދެއްވާ!