ޚިޔާނާތުގައި ބައިވެރިވި މީހުންގެ ނަންތައް ހާމަކުރަން ތައްޔާރު: އަދީބު
އެމްއެމްޕީއާރްސީ ބޮޑު ޚިޔާނާތުގައި ބައިވެރިވި މީހުންގެ ނަންތައް ހާމަކުރަން ތައްޔާރު ކަމަށް ކުރީގެ ނައިބު ރައީސް އަހުމަދު އަދީބު ވިދާޅު ވެއްޖެއެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން އަދީބުގެ މައްޗަށް ދައުލަތުން ކުރި ހަތް ދައުވާއެއް ކްރިމިނަލް ކޯޓުން މިދިޔަ ޖުލައި މަހު ވަނީ ބޭރުކޮށްލާފައެވެ. ކްރިމިނަލް ކޯޓުން އެމައްސަލަތައް ބޭރުކޮށްލުމުގެ އެއް ސަބަބެއްގެ ގޮތުގައި ފާހަގަކުރީ އަދީބާ އެކު އިއުތިރާފުގެ އެއްބަސްވުމެއް ދައުލަތުން ހެދީ ގޯސްކޮށް ކަމަށް ބުނެ އެވެ.
އެމައްސަލަ ދަަށު ކޯޓުން ބޭރުކޮށްލި މައްސަލަ ދައުލަތުން ވަނީ ހައިކޯޓުގައި އިސްތިއުނާފު ކޮށްފައެވެ.
އެގޮތުން މިއަދު އޮތް މިމައްސަލައިގެ އަޑުއެހުމުގައި ވާހަކަ ދައްކަވަމުން ކުރީގެ ނައިބު ރައީސް ވިދާޅުވީ އެމްއެމްޕީއާރްސީގެ ހިޔާނާތުގެ ފައިސާއަކީ ރައްޔިތުންނަށް އަނބުރާ ހޯދޭނެ އަދި ހޯދަންޖެހޭ ފައިސާއެއް ކަމަށެވެ. އަދި އެމްއެމްޕީއާރްސީގެ ހިޔާނާތުން އެތައް ބަޔަކަށް މަންފާ ވެފައިވާ ކަމަށް ވެސް އަދީބު ވަނީ މިއަދު ވިދާޅުވެފައެވެ.
"މިކަމުގައި އިންސާފު ގާއިމްކުރަންޖެހޭ. މީގަ މަންފާވި އެތައް ބަޔަކު އެބަތިބި. އެހެންވެ އެހުރިހާ މަސަައްކަތެއް ކުރަމުން މިދަނީ. އަޅުގަނޑުވެސް މިދަނީ ދެވެނު އެއްބާރުލުމެއް ދެމުން" އަދީބު ވިދާޅުވިއެވެ.
މީގެއިތުރުން އަދީބު ވިދާޅުވީ ދައުލަތުން ޓޯޗަރ ކުރިކަމަށް ދަށު ކޯޓުގައި ބުނެފައި ނުވާނެ ކަމަށެވެ. އެގޮތުން ކުރީގެ ޕްރޮސިކިއުޓާ ޖެނަރަލް (ޕީޖީ) އައިޝަތު ބިޝާމާއި އެސިސްޓެންޓް ކޮމިޝަނަރު އޮފް ޕޮލިސް (އޭސީޕީ) މުހައްމަދު ރިޔާޒު، އަދީބުއަށް ޓޯޗާކޮށް އިއުތިރާފު އެއްބަސްވުމުގައި އަދީބުއަށް މަޖުބޫރުކޮށް ގަދަކަމުން ސޮއިކޮށްފައިވާ ކަމަށް ބުނެފައި ނޯންނާނެ ކަމަށް ވެސް އަދީބު ވިދާޅުވިއެވެ.
ކުޑަ ގޮޅީގަވެސް ޑީލް، ސާބަސް ބުރޯ!